نصیحت روز بکتی ہے عقیدت روز بکتی ہے

ہمارے شہر میں لوگو محبت روز بکتی ہے

امیر شہر کے ڈر کا ابھی محتاج ہے مذہب

ابھی ملا کے فتووں میں شریعت روز بکتی ہے

ہمارے خون کو بھی وہ کسی دن بیچ ڈالیں گے

خریداروں کے جھرمٹ میں عدالت روز بکتی ہے

نجانے لطف کیا ملتا ہے ان کو روز بکنے میں

طوائف کی طرح لوگو قیادت روز بکتی ہے

کبھی مسجد کے منبر پر، کبھی حجرے میں چھپ چھپ کے

میرے واعظ کے لہجے میں قیامت روز بکتی ہے

بڑی لاچار ہیں محسن جبینیں ان غریبوں کی

کہ مجبوری کی منڈی میں عبادت روز بکتی ہے

شاعر: محسن نقوی

Nasihat Roz Bikti Hai, Aqeedat Roz Bikti Hai,,,
Humaray Shehar mein Logo, Muhobat Roz Bikti Hai,,,

Ameer-e-Shehar K Darr Ka Abhi Mohtaaj Mazhab hai,,,
Abhi Mulaah K Fatwoon mein, Shariyatt Roz Bikti Hai,,,

Humaray Khoon Ko Bhi Woh Kisi Din Baich Dalein gay,,,
Kharidaron K Jhurrmat mein Adalat Rozz Bikti Hai,,,

Najany Lutf Kiya milta Hai in Ko Roz Biknay mein,,,
Tawaif Ki Tarah Logo, Qayadatt Roz Bikti hai,,,

Kabhi Masjid K minbar par, Kabhi Hajray mein Chup Chup K ,,,
Meray Waiz K Lehjay mein Qayamat Roz Bikti Hai,,,

Barri Lachaar Hain "MOHSIN" Jabeenein in ghareebon Ki,,,
K Majboori Ki Mandi mein ibadatt Rozz Bikti Hai,,,

Poet: Mohsin Naqvi