میری تیری نگاہ میں جو لاکھ انتظار ہیں 

جو میرے تیرے تن بدن میں لاکھ دل فگار ہیں

جو میری تیری انگلیوں کی 

بے حسی سے سب قلم نزار ہیں

جو میرے تیرے شہر کی ہر اک گلی میں

میرے تیرے نقشِ پا کے بے نشاں مزار ہیں 

جو میری تیری رات کے ستارے زخم زخم ہیں

جو میری تیری صبح کے گلاب چاک چاک ہیں

یہ زخم سارے بے دوا یہ چاک سارے بے رفو

کسی پہ راکھ چاند کی کسی پہ اوس کا لہو

یہ ہے بھی یا نہیں ، بتا یہ ہے کہ محض جال ہے 

میرے تمھارے عنکبوتِ وہم کا بُنا ہوا

جو ہے تو اسکا کیا کریں

نہیں ہے تو بھی کیا کریں

بتا، بتا بتا، بتا 

 فیض احمد فیض

Meri Teri Nigah mein jo Laakh intezar hain
Jo Mere Teray Tan Badan mein Laakh Dil-Figaar Hain
Jo Meri Teri Ungaliyon Ki behisi sy sab Qalam Nazar hain
jo Meray Teray shahar Ki har ik gali mein
Mere Tere Naqsh-e-pa ke be-nishan Mazar hain,
Jo Meri Teri Raat K Sitaray Zakhm Zakhm Hain
Jo Meri Teri Subah K Gulaab chaak chaak hain,
Ye Zakhm Saray Be-Dava Ye chaak Saarey Be-Rafu
Kisi py Rakh CHand Ki Kisi py os Ka Lahu
Ye Hain bhi ya nahi bata
Ye hai K Mahaz Jaal hai,
Mere TuMhare Ankabut-e-Waham Ka Buna hua
Jo hai to is Ka Kiya Karien
Nahi hai To Bhi Kiya Karein
Bata, Bata, Bata

Poet: Faiz Ahmad Faiz