خواب سارے ، خیال سارے

خواب سارے،

خیال سارے،

حقیقتوں کا لبادہ اوڑھے،

تمھاری ہستی سنوار جائیں

یہ چاند سورج،

یہ سارے تارے،

چراغ جتنے بھی جل رہے ہیں،

تمھارے چہرے کے رنگ دیکھیں تو ہار جائیں

یہ بہتی ندیا،

یہ چڑھتے دریا،

یہ گہرا ساگر،

یہ جھیل جھرنے،

یہ آبشاریں،

یہ اپنا جیون تمھاری آنکھوں پہ وار جائیں

یہ رنگ ، خوشبو

گلاب سارے،

محبتوں کے نصاب سارے،

سبھی تمھاری بلائیں لے لیں،

نظر تمھاری اتار جائیں۔

Khaab Saaray, Khayaal Saaray . ..
Haqeeqatoon Ka Libadah Orhay . .
Tumhari Hansti Sanwaar Jayein . .

Ye Chaand Sooraj, Yee Saaray Taaray . . .
Charaagh Jitnay Bhi Jall rahay hain . .
Tumharay Chehray K Rung Deikhein To Haar Jayein . . .

Ye Behti Nadiya, Ye Charhaty Dariya, Ye gehra Sagarr . .
Ye Jheel Jharrnay, Ye Aabshaarein . . .
Ye Apna Jewann Tumharii aankhoon py waar jayein . ..

Ye Rung, Khushboo . . Gulaab Saaray . . .
Muhobaton K Nisaab Saaray . . .
Sabhi TUmhari Balayein Lein . . .
Nazarr Tumhari Utaaray Jayein . ..
Khaab Saaray, Khayaal Saaray