شکستہ خواب و شکستہ پا ہوں مجھے دعاؤں میں یاد رکھنا

میں آخری جنگ لڑ رہا ہوں مجھے دعاؤں میں یاد رکھنا

ہوائیں پیغام دے گئی ہیں کہ مجھ کو دریا بلا رہا ہے

میں بات ساری سمجھ گیا ہوں مجھے دعاؤں میں یاد رکھنا

نہ جانے کوفے کی کیا خبر ہو نہ جانے کس دشت میں بسر ہو

میں پھر مدینے سے جا رہا ہوں مجھے دعاؤں میں یاد رکھنا

مجھے عزیزانِ من! محبت کا کوئی بھی تجربہ نہیں ہے

میں اس سفر میں نیا نیا ہوں مجھے دعاؤں میں یاد رکھنا

مجھے کسی سے بھلائی کی اب کوئی توقع نہیں ہے تابش

میں عادتاً سب سے کہہ رہا ہوں مجھے دعاؤں میں یاد رکھنا

عباس تابش

Shikasta Khaab-o-Shikasta paa Hoon , Mujhay Duaaon mein Yaad Rakhnan . . .
Mein Aakhrii Jung Larr Raha Hoon, Mujhay Duaaon mein Yaad Rakhna . . .

Haawaein paighaam Day gaii Hain K Mujh Ko Dariya Bula raha Hai . . .
Mein Baat Saari Samjh gaya Hoon, Mujhay Duaoon mein Yaad Rakhna . ..

Na-Janay Koofay Ki Kiya Khaberr Ho, Na-janay Kis Dasht mein Basarr Ho . . . .
Mein Phirr "MADEINAY" sy Jaa raha Hoon, Mujhay Duaoon mein Yaad Rakhna .. ..

Mujhay Azeeaan-e-Mann ! Muhobat Ka Koi Bhi Tajurba Nahi Hai . . .
Mein iss Safarr mein Naya Naya Hoon, Mujhay Duaoon mein Yaad Rakhna . . . .

Mujhay Kisi sy Bhalaii Ki Ab Koi Tavaqoo Nahi Hai "Tabish" . . .
Mein Aadat'tann sab sy Keh raha Hoon, Mujhay Duaaon mein Yaad Rakhna . . .

Poet: Abaas Tabish