Mery Koozagar

تو گزر گیا کسی موج میں، جسے توڑ کر میرے کوزہ گر

میرے خال و خد کے نقوش تھے، اسی چاک پر میرے کوزہ گر

ترے بعد کوزہ فروش نے، مجھے تاقچے میں سجا دیا

جہاں ٹوٹ جانے کا خوف تھا، مجھے رات بھر میرے کوزہ گر

تیری کار گاہ کی خامشی، مجھے نا تمام نہ چھوڑ دے

تو دوام ھوتے سکوت میں، کوئی بات کر میرے کوزہ گر

کہیں یوں نہ ھو تیرے بعد میں، یونہی خاک پر ھی پڑا رھوں

میرے سونے نقش و نگار میں کوئی رنگ بھر میرے کوزہ گر

جو ظروف خانہ بدوش تھے، مجھے کوزہ گاہ میں دیکھ کر

سبھی حیرتوں میں چلے گئے، مجھے چھوڑ کر میرے کوزہ گر

ابھی آگ سے میری گفتگو کو تمام ھونے میں وقت ھے

میں ھنوز نم ھوں کہیں کہیں، ذرا دیر کر میرے کوزہ گر

مجھے شکل دے کے درود پڑھ، میرے ساتھ اسمِ وجود پڑھ

کسی صبح اوّلیں وقت میں، مجھے نقش کر میرے کوزہ گر

فیصل ھاشمی

Tu guzar gaya Kisi Maoj mein, Jissay Torr Kar, Meray Koozagar . . .
Meray Khaal-o-Khad K Naqoosh Thay, Ussi Chaak parr, Meray Koozagar . . .

Teray Baad Kooza-Faroosh Ne, Mujhay Taaqchay mein Saja Diya . . .
Jahaan Toot Janay Ka Khaof Tha, Mujhay Raat Bharr, Meray Koozagarr . . .

Teri Kaar-gah Ki Khamshi, Mujhay Na-Tamaam Na Chor Day . . .
Tu Dawaam Hotay Sakoot mein, Koi Baat Kar, Meray Koozagar . . .

Kahein Youn Na Ho Teray Baad mein, Younhi Khaak par Hi parra Rahoon . . .
Meray Soonay Naqsh-o-Nigaar mein, Koi Rung Bharr, Meray Koozagarr . . .

Jo Zaroof Khana-Badoosh Thay, Mujhay Koozagah mein Deikh Kar . . .
Sabhi Hairatoon mein Chalay gaye, Mujhay CHorr Kar Meray Koozagar . . .

Abhi aag sy Meri guftagu Ko Tamaam Honay mein Waqt Hai . . .
Mein Honooz-nam Hoon Kahein Kahein, Zara Dair Kar, Meray Koozagarr . . .

Mujhay Shakal Day K Darood Parh, Meray Saath ism-o-Wajood Parh . . .
Kisi Subh Awalein Waqt mein, Mujhay Naqsh Kar Meray Koozagar...!!!

POet: Faisal Hashmi