ہر اک آواز اب اردو کو فریادی بتاتی ہے

یہ پگلی پھر بھی اب تک خود کو شہزادی بتاتی ہے

جہاں پچھلے کئی برسوں سے کالے ناگ رہتے ہیں

وہاں ایک گھونسلا چڑیوں کا تھا، دادی بتاتی ہے

یہاں ویرانیوں کی ایک مدت سے حکومت ہے

یہاں سے نفرتیں گزری ہیں بربادی بتاتی ہے

غلامی نے ابھی تک ملک کا پیچھا نہیں چھوڑا

ہمیں پھر قید ہونا ہے یہ آزادی بتاتی ہے

غریبی کیوں ہمارے شہر سے باہر نہیں جاتی

امیر شہر کے گھر کی ہر اک شادی بتاتی ہے

منور رانا

Her ik Aawaz ab Urdu Ko Fariyaadi Bataati hai
Ye Pagli Phir Bhi ab Tak Khud Ko Shehzadi Bataati Hai

Jahaan pechlay Kayii Barsoon sy Kaalay Naag Rehtay Hain
Wahaan aik ghonsa Chirriyoun Ka Tha, Daadi Bataati hai

Yahaan Veeraniyoun Ki aik Mudat sy Hakoomat hai
Yahaan sy Nafratein guzrein Hain Barbaadi Bataati hai

Ghulami Ne Abhi tak Mulk Ka peecha nahi Choora
Humein Phir Qaid Hona Hai Ye Aazaadi Bataati Hai

Ghareebi Kiyun Humaray Shehar sy Bahir Nahi Jaati
Ameer-e-Shehar K ghar Ki her ik SHaadi Bataati Hai

Munawr Rana