Khawabon Ki Dekh Bhaal me

خوابوں کی دیکھ بھال میں آنکھیں اُجڑ گئیں

تنہائیوں کی دُھوپ نے چہرا جلا دیا

لفظوں کے جوڑنے میں عبارت بکھر چلی

آئینے ڈھونڈنے میں کئی عکس کھو گئے

آئے نہ پھر وہ لوٹ کے اِک بار جو گئے

وہ دن، وہ وقت ، وہ رُت ، وہ موسم ، وہ سرکشی

اے گردشِ حیات ، اے رفتارِ ماہ و سال

کیا جمع اِس زمین پہ ہوں ہو نگے نا پھر کبھی

جو ہمسفر فراق کی دلدل میں کھو گئے

پتے جو گِر کے پیڑ سے رستوں کے ہو گئے

کیا پھر کبھی نہ لوٹ کے آئے گی وہ بہار

کیا پھر کبھی نہ آنکھ میں اُترے گی وہ دھنک

جس کے وُفورِ رنگ سے

جھلکی ہوئی ہوا __ کرتی ہے آج تک

اِک زُلف میں سجائے ہوئے پھولوں کا انتظار

لمحے زمانِ ہجر کے پھیلے کچھ اس طرح

ریگِ روانِ دشت کی تمثال ہو گئے

اِس دشت پر سراب میں بھٹکے ہیں اس قدر

نقشِ قدم تھے جتنے بھی، پا مال ہو گئے

اب تو کہیں پہ ختم ہو رستہ گمان کا

شیشے میں دل کے سارے یقین بال ہو گئے

جس واقعے نے آنکھ سے چھینی تھی میری نیند

اِس واقعے کو اب تو۔۔۔ کئی سال ہو گئے

امجد اسلام امجد 

Khwaabon Ki Deikh Bhaal mein aankhien Ujarr gayien
Tanhaiyoon Ki Dhoop Ne Chehra jala Diya
Lafzoon K jorney mein Ebarat Bikhar Chalii
Aaiyena Dhoondney mein Kayii Aks Kho gaye
Aaye Na Phir Woh Lot K Aik Baar jo gaye
Woh Din, Woh Waqt, Woh Rutt, Woh Mousam, Woh Sarkashi
Aey Gardisht-e-Hayaat, Aaey Raftaar-e-Mah-O-Saal
Kiya Jamma Is Zameen py Hongey Na Phir Kabhi?
Jo HumSafar Faraaq Ki Dal-dal mein Kho gaye
Patay jo girr K Pairr sy Rastoon K Ho gaye
Kiya Phir Kabhi Na Lot K Aaye gii Woh Bahaar
Kiya Phir Kabhi Na Aankh mein Utray gii Woh Dhanak
Jis K WafOor-e-Rang sy
jhalki Hoi Hawa,Kartii hai Aaj Tak
Aik Zulf mein Sajay hoye PhOolon Ka Intizaar
Lamhay Zamaan-e-Hijr K Phailay Kuch Is Tarah
Raig-e-Rawaan-e-Dasht Ki Tamsaal Ho Gaye
Is Dasht par Saraab mein Bhatkay Hain Is Qadar
Naqsh-e-Qadam Thay Jitnay Bhi Pamaal Ho Gaye
Ab To Kahien py Khatam Ho Rasta gumaan Ka
SheeShay mein Dil K Sarey YaQeen Baal Ho gaye
Jis Waqe’ay Ne aankh sy Cheenii Thii Meri Neend
Us WaQe’ay Ko Ab To,, Kaii Saal Ho gaye

Amjad Islam Amjad