دن لے کے جاؤں ساتھ، اِسے شام کر کے آؤں

بے کار کے سفر میں کوئی کام کر کے آؤں

بے مول کر گئیں مجھے گھر کی ضرورتیں

اب اپنے آپ کو کہاں نیلام کر کےآؤں

میں اپنے شور و شر سے کسی روز بھاگ کر

اِک اور جسم میں کہیں آرام کر کے آؤں

کچھ روز میرے نام کا حصہ رہا ہے وہ

اچھا نہیں کہ اب اُسے بدنام کر کے آؤں

"انجم" میں بد دعا بھی نہیں دے سکا اُسے

جی چاہتا تو تھا وہاں کہرام کر کے آؤں

انجم سلیمی

Din Lay K jaoon Saath, issay Shaam Kar K aoon
Be_Kaar K Safer mein Koi Kaam Kar K aaon

Bay-Mool Kar gayein Mujhay ghar Ki zarooratein
ab apny aap Ko Kahaan Nilaam Kar K aaon

Me Apny Shoor-o-Sharr sy Kisi roz Bhaag Kar
ik aur Jism mein Kahein Araam Kar K aaon

Kuch Roz Mery Naam Ka Hisa raha hai Woh
Acha nahi K ab Ussay Bad-Naam Kar K aaon

"ANJUM" mein Bad-Dua Bhi Nahi Day saka Ussay
Jee Chahata To Tha Wahaan KOhraam Kar K aaon

ANUM SALEEMi