دہکتے دن میں عجب لطف اُٹھایا کرتا تھا

میں اپنے ہاتھ کا تتلی پہ سایہ کرتا تھا

اگر میں پوچھتا بادل کدھر کو جاتے ہیں

جواب میں کوئی آنسو بہایا کرتا تھا

عجیب حسرتِ پرواز مجھ میں ہوتی تھی

میں کاپیوں میں پرندے بنایا کرتا تھا

تلاشِ رزق میں بھٹکے ہوئے پرندوں کو

میں جیب خرچ سے دانہ کھلایا کرتا تھا

ہمارے گھر کے قریب ایک جھیل ہوتی تھی

اور اس میں شام کو سورج نہایا کرتا تھا

یہ زندگی تو مجھے ترے پاس لے آئی

یہ راستہ تو کہیں اور جایا کرتا تھا

ﻋﺒﺎﺱ ﺗﺎﺑﺶ

Dehktay Din mein ajab Lutf uthaya Karta Tha
Me apny Haath Ka Titli py Saaya Karta Tha

Agar me puchta Badal Kidhar Ko jatay hain
Jawaab mein Koi Aansu Bahaya Karta Tha

Ajeeb Hasrat-e-Parwaaz mujh mein Hoti Thi
Me Copiyoun mein parinday Banaya Karta Tha

Talaash-e-Rizq mein bhatkay Huey parindoon Ko
Me Jaib Kharch sy Daana Khilaya Karta Tha

Humaray ghar K Qareeb aik Jheel Hoti Thi
aur us mein shaam Ko Sooraj Nahaya Karta Tha

Ye Zindagi To Mujhay Teray paas Lay aaii
Ye Raasta To Kahein aur Jaya Karta Tha

Abaas Tabish