گم سم سی رہگزر تھی ، کنارہ ندی کا تھا

پانی میں چاند ، چاند میں چہرہ کسی کا تھا

اب زندگی سنبھل کے لیتا ہے تیرا نام

یہ دل کے جس کو شوق کبھی خودکشی کا تھا

کچھ ابر بھی تھے بانجھ زمین سے ڈرے ہوئے

کچھ ذائقہ ہوا میں میری تشنگی کا تھا

کہنے کو ڈھونڈتے تھے سبھی اپنے خد و خال

ورنہ میری غزل میں تو سب کچھ اسی کا تھا

وہ احتیاط جان تھی کے بے ربطی خیال

سائے پہ بھی گمان مجھے آدمی کا تھا

مشکل کہاں تھے ترکِ محبت کے مرحلے

اے دل مگر سوال تیری زندگی کا تھا

وہ جس کی دوستی ہی متاعِ خلوص تھی

"محسن" وہ شخص بھی میرا دشمن کبھی کا تھا

محسن نقوی

Ghumsum C rahguzar thi, Kinaara Nadi Ka Tha
Paani me chand, chand me Chehra Kisi Ka Tha

Ab zindgi sambhal K leta hai tera naam
Ye dil K jis ko shoq kabhi Khudkushi Ka Tha

Kuch Abar Bhi Thay Baanjh Zameen sy Daray Hoey
Kuch Zaaiqa Hawa men Meri Tishnagi Ka Tha

Kehnay Ko Dhondtay Thay Sabhi Apny Khad-o-Khaal
Warna meri ghazal men To sab kuch Ussi Ka Tha

Woh Ehiyat-e-Jan Thi K Be-Rabti-e-Khayal
Saey py Bhi gumaan mujhy Aadmi Ka Tha

Mushkil kahan thay Tark-e-mohabbat K marhalay
Aay Dil magar Sawaal Teri zindagi Ka Tha

Woh jis Ki dosti hi Mata-e-Khuloos Thi
"Mohsin" Woh Shakhs Bhi Mera Dushman Kabhi Ka Tha