ہم سایہ دار پیڑ زمانے کے کام آئے

جب سوکھنے لگے تو جلانے کے کام آئے

تلوار کی نیام کبھی پھینکنا نہیں

ممکن ہے دشمنوں کو ڈرانے کے کام آئے

کچا سمجھ کے بیچ نہ دینا مکان کو

شائد کبھی یہ سر کو چھپانے کے کام آئے

ایسا بھی حسن کیا کہ ترستی رہے نگاہ

ایسی بھی کیا غزل جو نہ گانے کے کام آئے

وہ درد دے جو راتوں کو سونے نہ دے ہمیں

وہ زخم دے جو سب کو دکھانے کے کام آئے

منور رانا

Hum Saaya-daar pairr zamaanay K Kaam aaye
Jab sookhnay Lagay To jalanay K Kaam aaye

Talwaar ki niyaam kabhi pheinkna nahi
Mumkin hai dushmanon ko daraanay K Kaam aaye

Kacha samajh K bech na dena makaan ko
Shayad kabhi ye sar Ko chhupaanay K Kaam aaye

Aisa bhi husn kiya K tarasti rahay nigah
Aisi bhi kiya ghazal jo na gaanay K kaam aaye

Woh dard day jo raaton Ko sonay Na Day humein
Woh zakhm day jo sab ko dikhaanay K Kaam aaye

Munawwr Rana