میں نعرۂ مستانہ، میں شوخئ رِندانہ

میں تشنہ کہاں جاؤں، پی کر بھی کہاں جانا

میں طائرِ لاہُوتی، میں جوہرِ ملکُوتی

ناسُوتی نے کب مُجھ کو، اس حال میں پہچانا

میں سوزِ محبت ہوں، میں ایک قیامت ہوں

میں اشکِ ندامت ہوں، میں گوہرِ یکدانہ

کس یاد کا صحرا ہوں، کس چشم کا دریا ہوں

خُود طُور کا جلوہ ہوں، ہے شکل کلیمانہ

میں شمعِ فروزاں ہوں، میں آتشِ لرزاں ہوں

میں سوزشِ ہجراں ہوں، میں منزلِ پروانہ

میں حُسنِ مجسّم ہوں، میں گیسوئے برہم ہوں

میں پُھول ہوں شبنم ہوں، میں جلوۂ جانانہ

میں واصفِ بسمل ہوں، میں رونقِ محفل ہوں

اِک ٹُوٹا ہوا دل ہوں، میں شہر میں ویرانہ

واصف علی واصف

Me Naghma-e-mastana, men shokhi-e-rindana
Me Tashna Kahaan jaaon, pee kar bhi kahaan jana

Me Taa'ir-e-Lahooti, Me johar-e-malkoti
Nasuuti Ne Kab Mujh Ko, is Haal men pehchana

Me Soz-e-muhabat Hoon, Me eik Qayamat Hoon
Me ashk-e-nadamat Hoon, Me gohar-e-Yakdana

Kis Yaad Ka sehra hoon, Kis chashm Ka Dariya Hoon
Khud tuur ka jalva hoon, hai shakl Kalemana

Me Sham'a-e-farozaan hoon, Me aatish-e-Larzaan Hoon
Me sozish-e-hijraan hoon, Me manzil-e-parvana

Me Husn-e-mujassam Hoon, Me gesuu-e-barham Hoon
Me phool hoon, shabnam hoon, Me jalva-e-jana

Me "Waasif-e-Bismil hoon, Me Raunaq-e-mehfil hoon
ik Toota hua Dil hoon, Hoon shehr men Veerana

Wasif Ali Wasif