Ye wisaal hai K firaq hai

یہ وصال ہے کہ فراق ہے، دلِ مبتلا کو پتا رہے

جو یہ پھول ہے تو کھلا رہے جو یہ زخم ہے تو ہرا رہے

تیرے انتظار کے سلسلے، ہیں میانِ دستک و دَر کہیں

یہی آس ہے تو بندھی رہے، یہ چراغ ہے تو جلا رہے

یونہی بھولے بھٹکے جو آ گئے ہیں، اِدھر تو اتنی ہوا نہ دے

کہ غبارِ کوئے ملامتاں، کوئی واقعہ تو چھپا رہے

کسی چشمِ وعدہ کی لہر ہے، بڑا دل گرفتہ یہ شہر ہے

سو ہوائے محرمِ دوستاں، تیرے سلسلوں کا پتا رہے

یہ سرائے صبح کے ساتھ ہی مجھے چھوڑنی ہے غزالِ شب

تیری چشمِ رمز و کنایہ میں، کوئی خواب ہے تو سجا رہے

سلیم کوثر

Ye wisaal hai K Firaaq hai, Dil-e-mubtila Ko pata rahay
Jo Ye phool hai To Khila rahay, Jo Ye zakhm hai To hara rahay

Teray intizaar K silsilay, he'n miyan-e-dastak-o-Dar Kahien
Yehi aas hai To bandhi rahay, Ye CHIRAAGH HAI TO JALA RAHAY

You'nhi bhoolay bhatkay jo aa gaye hein idher, to itni hava na day
K ghubar-e-ku-e-malamata'n , Koi waqe'aa to chupa rahay

Kisi chashm-e-waada ki lehr hai , Barra Dil girafta Ye shehr hai
So hava-e-mehram-e-dosta'n , Teray silsilo'n Ka pata rahay

Ye saraey subh K saath hi mujhay chorrni hai ghazaal-e-shab
Teri chashm-e-ramz-o-kinaya mein, Koi Khawaab hai To saja rahay

Saleem Kausar