جانے کون رہزن ہیں، جانے کون رہبر ہیں

گرد گرد چہرے ہیں، آئینے مکدّر ہیں

مُجھ کو جبر لفظوں کا، بولنے نہیں دیتا

ورنہ جتنے صحرا ہیں، ریت کے سمندر ہیں

جب سے ایک چڑیا نے شیر کو پچھاڑا ہے

فاختہ کی آنکھوں میں قاتلوں کے تیور ہیں

دائیں بائیں میرے ساتھ اِک ہجُوم رہتا ہے

دوستوں کی یادیں ہیں، دُشمنوں کے لشکر ہیں

سوئے جسم و جاں دیکھوں، یا میں یہ سماں دیکھوں

پُھول پُھول ہاتھوں میں کیسے کیسے پتّھر ہیں

(احمد ندیم قاسمی)

Janay Kon rehzan hain, janay Kon rehbar hain
Gard gard chehray hain, Aainay makdar hain

Mujh ko jaber Lafoon ka, Bolnay nahi deta
Warna Jitnay Sehraa hain, Rait K samander hain

Jab sy aik chirriya Ne sher Ko pichara hai
Fakhta Ki aankhoon mein Qatiloon K Tayvarr hain

Dayein Baayein mery saath ik Hajoom rehta hai
Doston Ki yadein hain, Dushmanon K Lashkar hain

Sooe-jism-o-jan dekhon, Ya men Ye samaan dekhoon
Phool phool haathon mein, Kaisay kaisay pathar hain

Ahmad Nadeem Qasmi