WOh Muskura K Bhi dekhay bhi to

انا پہ چوٹ پڑے بھی تو کون دیکھتا ہے ؟

دھواں سا دل سے اٹھے بھی تو کون دیکھتا ہے ؟

میرے لئے کبھی مٹی پہ سردیوں کی ہوا

تمہارا نام بھی لکھے تو کون دیکھتا ہے ؟

اجاڑ گھر کے کسی بے صدا دریچے میں

کوئی چراغ جلے بھی تو کون دیکھتا ہے ؟

ہجوم شہر سے ہٹ کر حدود شہر کے بعد

وہ مسکرا کے ملے بھی تو کون دیکھتا ہے ؟

جس آنکھہ میں کوئی چہرہ نہ کوئی عکس طلب

وہ آنکھہ جل کے بجھے بھی تو کون دیکھتا ہے ؟

ہجوم درد میں کیا مسکرائیے کہ یہاں

خزاں میں پھول کھلے بھی تو کون دیکھتا ہے ؟

ملے بغیر جو مجھہ سے بچھڑ گیا "محسن"

وہ راستے میں رکے بھی تو دیکھتا ہے ؟؟

محسن نقوی