Zard Mousam Ki Aziyat

زرد موسم کی اذّیت بھی اُٹھانے کا نہیں

میں درختوں کی جگہ خود کو لگانے کا نہیں

اب ترے ساتھ تعلق کی گزرگاہوں پر

وقت مشکل ہے، مگر ہاتھ چھڑانے کا نہیں

جادہء صبر مرے عشق کی زینت ٹھہرا

سو میں آنکھوں سےکوئی اشک بہانےکا نہیں

قریہ سبز سے آتی ہوئی پر کیف ہوا

طاق پر رکھا مرا دیپ بجھانے کا نہیں

میں ہدف ہوں، مگر اس آنکھ کے پیکان کا ہوں

دیکھ دنیا میں کسی اور نشانے کا نہیں

چل رہا تھا تو سبھی لوگ مرے بازو تھے

گر پڑا ہوں تو کوئی دوست اٹھانے کا نہیں

عشق ہے اور رگ و پے میں سمایا ہے "سعید"

اور یہ روگ مری جان سے جانے کا نہیں

Zard Mosam Ki Aziyat Bhi Uthaney Ka Nahi

Mein Darakhton Ki Jagah Khud Ko Laganey Ka Nahi

Ab Terey Sath Ta'alluq Ki guzar gaahon Par

Waqt Mushkil Hai, Magar Hath Churraney Ka Nahi

Jadha-E-Sabar Merey Ishq Ki Zeenat Thehra

So mein Aankhon sy Koi Ashk Bahaney Ka Nahi

Qarya-E-Sabz sy Aati Hui Pur Qaif Hawa

Taaq Par Rakha Mera Deep Bujhaney Ka Nahi

Mein Hadaf Hoon Magar Us Aankh K Pekan Ka Hoon

Daikh Duniya mein Kisi Aur Thikaney Ka Nahi

Chal Raha Tha To Sabhi Log Merey Bazoo Thay

Gir Parra Hoon To Koi Dost Uthaney Ka Nahi

Ishq Hai Aur Rag-O-py mein Samaya Hai "Saeed"

Aur Yeh Rog Meri Jaan sy Janey Ka Nahi