Nazar Ka husn bhi

نظر کا حسن بھی حسنِ بُتاں سے کم تو نہ تھا

مرا یقین تمہارے گُماں سے کم تو نہ تھا

-

مزاجِ عظمتِ آدم کی بات ہے ورنہ

زمیں کا ظلم ترے آسماں سے کم تو نہ تھا

-

گزر رہا تھا جہاں سے میں سنگ دل بن کر

وہ موڑ شیشہ گروں کی دُکاں سے کم تو نہ تھا

-

نجانے کیوں تری آنکھیں خموش تھیں ورنہ

دلِ غریب کا نغمہ فغاں سے کم تو نہ تھا

-

رہِ جنوں کے نشیب و فراز میں "محسن"

خرد کا پھول بھی سنگِ گراں سے کم تو نہ تھا

محسن نقوی

Nazar Ka Husn Bhi Husn-e-Buhtaan Se Kam To Na Tha

Mera Yaqeen Bhi Tumhaare Gumaan Se Kam To Na Tha

-

Mizaaj-e-Azmat-e-Adam Ki Baat Hai, Warna

Zameen ka Zulm Tere Asmaan Se Kam To Na Tha

-

Guzar Raha Tha Jahaan Se Main Sang Dil Ban Kar

Woh Mor Sheesha Garon Ki Dukaan Se Kam To Na Tha

-

Na Jaane Kiyoon Teri Aankhen Khamosh Thien, Warna

Dil-e-Ghareeb Ka Naghmaa Faghaan Se Kam To Na Tha

-

Rah-e-Januu Kay Nasheb-o-Faraaz Mein “Mohsin”

Khird Ka Phool Bhi Sang-e-Giraan Se Kam To Na Tha