منظر یہ دِل نشیں تو نہیں دِل خراش ہے

دوشِ ہَوا پہ ابرِ برہنہ کی لاش ہے

لہروں کی خامشی پہ نہ جا اے مزاجِ دِل

گہرے سمندروں میں بڑا ارتعاش ہے

سوچوں تو جوڑ لوں کئی ٹوٹے ہوئے مزاج

دیکھوں تو اپنا شیشۂ دل پاش پاش ہے

دل وہ غریبِ شہرِ وفا ہے کہ اب جسے

تیرے قریب رہ کے بھی تیری تلاش ہے

آنسو مرے تو خیر وضاحت طلب نہ تھے

تیری ہنسی کا راز بھی دُنیا پہ فاش ہے

میرا شعور جس کی جَراحت سے ُچور تھا

تیرے بدن پہ بھی اُسی غم کی خراش ہے

محسن تکلفّات کی غارت گری نہ پوچھ

.. مجھکوغمِ وفا ، تجھے فکر معاش ہے

محسن نقوی

Manzar Yeh Dil Nasheen To Nahi Dil Kharash Hai
Dosh-e-Hawa py Abr-e-Barhana Ki Laash Hai

Lehron Ki Khamshi py Na Ja Aay Mijaaz-e-Dil
Gehray Samandaron mein Barra Arta’ash Hai

Sochon To Jorr Loon Kayi Tootay Huey Mijaaz
Dekhoon To Apna Sheesha-e-Dil Paash Paash Hai

Dil Woh ghareeb-e-Shehr-e-Wafa Hai K Ab jisay
Tery Qareeb Reh K Bhi Teri Talaash Hai

Aansoo Mery To Khair Wazahat Talab Na Thay
Teri Hansi Ka Raaz Bhi, Dunya Pay Faash Hai

Mera Shaoor Jiski Jarahat sy Choor Tha
Tery Badan py Bhi Ussi gham Ki Kharaash Hai

"Mohsin" Takallufaat Ki Ghaarat gari Na Pooch
Mujh Ko Gham-e-Wafa, Tujhay Firkr-e-Muaash Hai