چلو بے خواب ہوجائیں 

یہ خواب آنکھوں میں آتے ہیں

تو آنکھوں کو جلاتے ہیں

چمکتے ہیں اک پل کو، اور پھر کہیں کھو جاتے ہیں

یہ پھر معصوم آنکھوں کو

جلاتے ہیں، رُلاتے ہیں

سُلگتی دھوپ کے آنسو، ٹھٹھرتی رات کی خوشبو

لپیٹے اپنے دامن میں، کئی بوسیدہ سی سطریں

ڈرے پتوں کی یہ شکلیں 

یہ بے رونق جزیرے سب

اذیت کے ذخیرے سب

ہے اُن خوابوں کا خمیازہ

سرابوں سے بھرے موسم، عذابوں کی نئی رِم جھم

خمارِوصل کی حسرت، غبارِ ہجر ہے قسمت

وہ اندھیروں کی نبضوں سے، یہ ملنا اپنی سانسوں کا

یہ ان خوابوں کے ناپختہ، دریچوں کا مقدر ھے

بدل جاتے ہیں سارے رنگ، کوئی موسم نہیں رہتا

انا کے ذائقے بدلیں تو، کچھ سالم نھیں رہتا

مگر اب تک تھی خوابوں میں

کسی کی نرم سی چاہت

اکیلے ساحلوں پر بھی لکھیں انگلی سے میرا نام

بنائے خال و خد میرے،

مگر کچھ دیر تک سوچے

اور وہ پھر گِرا ڈالے، بنایا تھا گھروندہ جو

وہ پھر آنکھوں پر ہاتھوں کو رکھے

اور دیر تک روئے

وہ یہ چاہتی تھی کہ خود سے، وہ جتنے اشک برسائے

گُہروماہتاب ہو جائیں

مگر میں اس سے کہتا ہوں

چلو بے خواب ہو جائیں

Yeh Khawab aankhoon mein aatay Hain

To aankhon Ko jalatay Hain,

Chamaktay Hain ek pal Ko, aur phir Kahein Kho jatay Hain

Yeh phir masoom aankhon Ko, Jagatay Hain, Rulatay Hain

Sulagti Dhoop K Aansu, Thitarti Raat Ki Khushboo

Lapaitay Apnay Daman mein, Kayi Boseeda C Satreen

Darray paton Ki Yeh Shaklein

Yeh Bey_Ronaq jazeeray sab

Azeeyat K Zakheeray sab

Hain Un Khawabon Ka Khamiyaza

Sarabon sy Bharay Mosam, Azabon Ki nayi Rim jhim

Khumar-e-Wasal Ki Hasrat, Ghubaar-e-Hijar hai Qismat

Woh andheron ki nabzo sy, Yeh milna Apni Sansoon Ka

Yeh Un Khaabon Ka na-pukhta, Dareechoon Ka Muqadar Hain

Badal jatay Hain Saaray Rang, Koi Mosam nahi rehta

Ana K Zaiqay Badlein, To Kuch Salim nahi rehta

Magr ab Tak Bhi Khaabon mein

Kisi Ki narm C chahat

Akelay sahilon par Bhi, Likhay ungli sy mera naam

Banaye Khal-o-Khad Meray

Magr Kuch Dair Kuch sochay

Aur phir gira Dalay, Banaya Tha gharoonda jo

Woh phir aankhoon par Haathon Ko Rakhay

aur Dair Tak roye

Woh Yeh chahti Thi K Khud sy, Woh jitnay ashk barsaye

Gohar-o-Mahtab Ho jayien

Magr mein os Ko Kehta Hoon

Chalo Bay-Khaab Ho jayein