دل خون ہوا کہیں تو کبھی زخم سہہ گئے

اب حادثے ہی اپنی وراثت میں رہ گئے

کہنے کو ایک ساتھ ہی ڈوبا ہے قافلہ

کچھ عکس زیرِ آب مگر تہہ بہ تہہ گئے

پتوں سے پھوٹتی ہیں ہواؤں کی ہچکیاں

پنچھی ہرے شجر سے عجب بات کہہ گئے

شاید وہ بام و در کو نہ سونے دیں عمر بھر

جو خواب گھر کی خاک میں پیوست رہ گئے

"محسن"غریب لوگ بھی تنکوں کے ڈھیر ھیں

ملبے میں دب گئے کبھی پانی میں بہہ گئے

محسن نقوی

Dil Khoon Hua Kahein To Kabhi Zakham seh gaey
ab Haadsay Hi Apni Varasat mein reh gaey

Kehney Ko aik Saath Hi Dooba Hai Qaafla
Kuch aks Zeir-e-aab, Mager Teh-ba-Teh gaey

Pat'ton sy phoont'ti Hain Hawaoon Ki Hich'kiyaan
Panchi Harray Shajarr sy ajab Baat Keh gaey

Shayed Woh Baam-o-Darr Ko Na Soney Dein Umr bhar
Jo Khawaab ghar Ki Khaak mein peywast reh gaey

"MOHSIN" ghareeb Log Bhi Tinkoon K Dhair Hain
Malbay mein Dabb gaey, Kabhi paani mein beh gaey...

(Mohsin Naqvi)