"دل چاہتا ہے"

تم آفس سے تھک کے آؤ

آکر میری گود میں لیٹو

پھر میں تمھارے بال سِہلاؤں

تم مجھ کو اپنے آفس کی

دن بھر کی رُوداد سناؤ

باتوں باتوں میں پھر جاناں

ذکر کرو اک دوشیزہ کا...اُس کی محبت اور وفا کا

تب میں رُوٹھ کے موڈ بناؤں

آنکھوں میں آنسو بھر لاؤں

پھر تم ہنس کے سوری بولو

میرے کانوں میں رس گھولو

"دل چاہتا ھے"

سردی کے موسم میں کسی دن

بُک لے کر تم لان میں بیٹھو

ھر سو بکھری دھوپ کو سینکھو، مجھکو سوچو

تب میں تمھارے پیچھے آکر اپنے ٹھنڈے یخ ہاتوں کو

تیری آنکھوں پر جو رکھ دوں

تم جھنجھلاؤ موڈ بناؤ،

آنکھوں سے ہاتوں کو ہٹاؤ

لیکن پھر جب مجھ کو دیکھو

ہنس کر جاناں خوش ہو جاؤ

"دل چاہتا ھے"

جب بھی کبھی پیارا موسم ہو

رم جھم بارش اور گھٹا ہو

تب میں تمھارے سنگ سنگ جاناں

تارکول کی لمبی سڑک پر

چلتی جاؤں چلتی جاؤں

دل کی باتیں خوب سناؤں

"دل چاہتا ہے"

جب بھی مجھے کوئی دکھ تڑپائے

بات کروں اور آنکھ بھر آئے

دنیا نت نئے زخم لگائے

تب تم میرے سامنے آؤ

دھیرے سے چہرے کو اٹھاؤ

اور یہ پوچھو کیوں روئی ہو؟

تب میں آنسو پونچھ کے ہنس دوں

تیرے کندھے پر سر رکھ دوں

پلکیں موندوں اور سو جاؤں

ہر دکھ سے بے خبر ہو جاؤں

دل چاہتا ہے جان جاناں

"دل چاہتا ہے"

نازیہ کنول نازی

"Dil Chahata Hai"
Tum Office sy Thak K aao
Aa Kar Meri gaud mein Layto
Phir mein Tumharay Baal Sehlaaon
Tum Mujh Ko Apnay Office Ki
Din Bhar Ki Rudaad Sunaaon
Baaton Baaton mein Phir Janaan
Zikar Karo ik Doshiza Ka, Us Ki Muhobat aur Wafa Ka
Tab mein Rooth K mood Banaaon
Aankhon mein Aansuoon Bhar Laaon
Phir Tum Hans K "Sorry" Bolo
Mery Kaano mein Rass ghoolo

Dil Chahata Hai

Sardi K Mosam mein Kisi Din
Book Lay Kar Tum Lawan mein Beitho
HerSu Bikhrii Dhoop Ko Sanikho, MujhKo socho
Tab mein Tumhary Pechay aa Kar,
Apnay Thanday Yakhh Haathon Ko
Teri aankhon par Jo rakh Doon
Tum Jhijhlaoon Mood Banaoo
aankhon sy Haathon Ko Hataao
Lekin Phir jab Mujh Ko Deikho
Hans Kar Janaan Khush Ho Jao

"Dil Chahata Hai"

Jab Bhi Kabhi piyaara Mosam Ho
Rim-Jhim Barish aur ghata Ho
Tab mein Tumharay Sang Sang Janaa
Taar Kool Ki Lambi sarak par
Chalti jaoon Chalti Jaaon
Dil Ki Baatein Khoob Sunaoon

"Dil Chahata Hai"

Jab Bhi Mujhay Koi Dukh Tarpaye
Baat Karoon aur aankh Bhar aaye
Duniya Nitt Naye Zakhm Lagaaye
Tab Tum Meray Saamnay aao
Dheeray sy Chehray Ko Uthao
aur Ye pucho Kiyun Roii Ho?
Tab mein aansu poonch K Hans Doon
Teray Kandhay par sar Rakh Doon
Palkein Moondoon aur So jaoon
Her Dukh sy Be-Khabar Ho jaoon
Dil Chahata Hai Jan-e-Janaan

"Dil Chahata Hai"

Nazia Kanwal Nazi