محبت سے مکر جانا ضروری ہو گیا تھا 

پلٹ کے اپنے گھر جانا ضروری ہو گیا تھا 

نظر انداز کرنے کی سزا دینی تھی تجھ کو

تیرے دل میں اتر جانا ضروری ہو گیا تھا 

میں سناٹے کے جنگل سے بہت تنگ آ گئی تھی 

کسی آواز پر جانا ضروری ہو گیا تھا 

میں سسی کی طرح سوتی رہی اور چل دیے تم 

بتا دیتے اگر جانا ضروری ہو گیا تھا 

تعاقب خود نہ کرتی تو میرے آنسو نکلتے 

میں کیا کرتی "قمر" جانا ضروری ہو گیا تھا

ریحانہ قمر

Muhobat sy Mukar Jana Zaroori Ho gaya Tha
Palat K apny ghar Jana Zaroori Ho gaya Tha

Nazar Andaaz Karnay Ki Saza Deni Thi Tujh Ko
Tery Dil mein Utar Jana Zaroori Ho gaya Tha

Mein Sannatay K Jungle sy Bahot Tang aa gayii Thi
Kisi Aawaaz par Janaa Zaroori Ho gaya Tha

Me Saasi Ki Tarah sooti Rahi aur Chal Diye Tum
Bata Detay agar Jana Zaroori Ho gaya Tha

Ta'aqub Khud Na Karti To Meray Aansu Nilkaltay
Mein Kiya Karti "Qamar" Jana Zaroori Ho gaya Tha

Rehana Qamar