بچپن کی وہ محرومی چلی آئی کہاں سے

روتی ہوئی نکلی میں کھلونوں کی دکاں سے

تم دونوں محاذوں پہ میرا ساتھ نبھانا

اِک جنگ میری خود سے ہے، اک جنگ جہاں سے

یہ گھر ہے مگر اس کا دریچہ نہیں کوئی

اب دیکھنا یہ ہے میں نکلتی ہوں کہاں سے

خود تو مجھے حق مانگنا آیا نہیں اب تک

ہر بات کہلواتی ہوں بچّوں کی زباں سے

اب اتنا تعلق ہے کہ توڑا نہیں جاتا

جو توڑ کے جائے گا قمر جائے گا جاں سے

ریحانہ قمر

Bachpan Ki Woh Mehroomi Chali aai Kahaan sy
Rooti Hui Nikli mein Khilonoon Ki Dukaan sy

Tum Dono Mahaazon py Mera Saath Nibhana
Ik Jung meri Khud sy Hai, ik Jung Jahaan sy

Ye ghar Hai Magar is Ka Daricha Nahi Koi
Ab Deikhna Ye Hai mein Nikalti Hoon Kahaan sy

Khud To Mujhay HaQ Maangna aaya Nahi ab Tak
Her Baat Kehlwaati Hoon Bachoon Ki Zubaan sy

ab itna Taluq Hai K Toora Nahi jata
Jo Toor K jaye ga "Qamar" Jaye ga Jaan sy

Rehana Qamar