Mujhay Yaad hai

مجھے یاد ہے

مجھے یاد ہے __ مجھے یاد ہے

وہ کلام کہ جو نہ ڈھل سکا

کسی لفظ میں

یہ جو حرف حرف پڑھا گیا

کسی اور بات کے ذکر میں

کسی اور چیز کے دھیان میں

وہ کتاب کہ جو لِکھی گئی

تری خامشی کی زبان میں

مجھے یاد ہے سِر رہِ جان

وہ چراغ سا کسی آس کا

جسے آندھیاں نہ بُجھا سکیں

کہ وہ روشنی کی اساس تھا

وہ جو پہلے پہلے وصال پر

تیری چشمِ خوش میں رواں ہوا

تیر ہجر کی شبِ تار میں

وہی جگنوؤں سا قافلہ

میر ے راستوں کا شریک ہے

وہ جو حرف تونے عطا کیے

میرے زندگی کی کتاب کو

یہ تمام ربط اُنہی سے ہے

اُنہی موسموں کی ترنگ کا ہے جمال یہ

جو بہار میرے سُخن میں ہے

اُنہی صحبتوں کی اُمنگ کا ہے کمال یہ

کہ جو حوصلہ سا تھکن میں ہے

امجد اسلام امجد

Mujhay Yaad hai
Mujhy Yad hai, Mujhay Yaad hai
Woh Kalaam K jo Na Dhal saka
Kisi Lafz mein
Ye jo Harf, Harf parrha gaya
Kisi aur Baat K zikr mein
Kisi aur cheez K Dhiyaan mein
Woh Kitaab jo K Likhi gayi
Teri Khaamshi Ki Zubaan mein
Mujhay Yaad Hai Sar-e-raah-e-Jaan
Woh Chiraagh sa Kisi aas Ka
Jissay Aandhiyaan Na Bujha Sakeein
K Woh Roshni Ki asaas Tha
Woh jo pehlay pehlay Wisaal par
Teri chashm-e-Khush mein RawaaN huwa
Tery Hijr Ki Shab-e-Taar mein
Wohi jugnu’on sa Qaafla
Mery Raaston Ka Shareek hai
Woh jo Harf Tu Ne ataa Kiye
Meri Zindagi Ki Kitaab Ko
Ye Tamaam rabt unhi sy hai
Unhi Mosamon Ki Tarang Ka hai Jamaal Ye
Jo Bahaar Merey sukhan mein hai
Unhi Sohbatoon Ki Omang Ka hai Kamaal Ye
K jo Hoslaa sa Thakan mein hai