مولیٰ یہ تمنا ہے کہ جب جان سے جاؤں

جس شان سے آیا ہوں اُسی شان سے جاؤں

بچوں کی طرح پیڑوں کی شاخوں سے میں کو دوں

چڑیوں کی طرح اُڑ کے میں کھلیان سے جاؤں

ہر لفظ مہکنے لگے، لکھا ہوا میرا

میں لپٹا ہوا یادوں کے لوبان سے جاؤں

مجھ میں کوئی ویرانہ بھی آباد ہے شائد

سانسوں نے بھی پوچھا تھا بیابان سے جاؤں

زندہ مجھے دیکھے گی تو ماں چیخ اٹھے گی

کیا زخم لئے پیٹھ پہ میدان سے جاؤں

کیا سوکھے ہوئے پھول کی قسمت کا بھروسہ

معلوم نہیں کب ترے گل دان سے جاؤں

منور رانا

Maula Yeh Tamana hai Keh jab jaan sy jaoon
Jis shaan sy aaya Hoon usi Shaan sy jaoon

Bachon Ki Tarah peirr Ki Saakhoon sy mein Kodoon
Chirriyon Ki Tarah Urr K mein Khalihaan sy jaoon

Her Lafz mehaknay Lagay, Likha hua mera
Me Lipta hua Yaadon K Lobaan sy jaoon

Mujh me koi Viraana Bhi aabaad hai Shayad
Saanson Ne Bhi pucha Tha biyabaan sy jaoon

Zinda mujhay Dekhegi To MAA cheek Uthegi
Kiya zakham Liye peeth py maidaan sy jaoon

Kiya sookhay huey phool Ki Qismat Ka Bharosa
Maloom nahi kab Tery guldaan sy jaoon

Munawar Rana