پھول پہ آ کے جو بیٹھی تو خود پہ اِترانا بھول گئی

اِیسی مست ہوئی وہ تتلی، پر پھیلا نا بھول گئی

ایسے کِھلا وہ پھول سا چہرہ، پھیلی سارے گھر میں خوشبو

خط کو چھپا کر پڑھنے والی راز چھپانا بھول گئی

میرے کمرے میں وہ آئی، اپنے پرانے خط لینے

میز پہ دو تصویریں دیکھیں، خط لے جانا بھول گئی

برسوں بعد ملے تو ایسی پیاس بھری تھی ہونٹوں میں

بھول گیا میں بات بتانا، وہ شرمانا بھول گئی

ساجن کی یادیں بھی "خاور" کن لمحوں میں آجاتی ہیں

گوری آٹا گوند رہی تھی نمک ملانا بھول گئی

خاور احمد

Phool py aa K jo baithi to khud py itrana bhool gayi
Aisi mast hui woh titli parr phailana bhool gayi

Aisay khila woh phool sa chehra, phaili saaray ghar men Khushbo
Khat ko chupa kar parhnay wali raaz chupana bhool gayi

Mery kamray mein woh aai, Apny puranay Khat Lenay ,
Maiz py Do Tasveerein dekhein, Khat lay jana bhool gayi,

Barson Baad milay To Aisi Piyas Bhari Thi Honton mein
Bhool gaya mein Baat Batana, woh sharmana bhool gayi

Sajan Ki yaadein bhi "Khawar" Kin Lamhoon mein aa jati hain
Goori aata goond rahi thi, namak milana bhool gayi

Khawar Ahmad