ابھی اِس طرف نہ نگاہ کر میں غزل کی پلکیں سنوار لوں

میرا لفظ لفظ ہو آئینہ تجھے آئینے میں اُتار لوں

میں تمام دن کا تھکا ہوا، تو تمام شب کا جگا ہوا

ذرا ٹھہر جا اِسی موڑ پر، تیرے ساتھ شام گزار لوں

اگر آسماں کی نمائشوں میں، مجھے بھی اِذنِ قیام ہو

تو میں موتیوں کی دکان سے، تیری بالیاں، تیرے ہار لوں

کہیں اور بانٹ دے شہرتیں، کہیں اور بخش دے عزتیں

مرے پاس ہے میرا آئینہ میں کبھی نہ گرد و غبار لوں

کئی اجنبی تری راہ میں، میرے پاس سے یوں گزر گئے

جنہیں دیکھ کر یہ تڑپ ہوئی، ترا نام لے کے پکار لوں

بشیر بدر

Abhi is Taraf Na Nigah Kar, mein Ghazal Ki Palkein Sanwaar Loon
Mera Lafz Lafz Ho Aiena, Tujhe Aainey mein Utaar Loon

Main Tamam Din Ka Thaka Hua, Tu Tamam Shab Ka Jaga Hua,
Zara Theher Ja isi morr par, Tery Saath Sham Guzaar Loon

Agar Aasman Ki Numaishon mein, Mujhe bhi Izn-e-Qayam Ho
To Main Motiyon Ki Dukaan sy, Teri Baliaan Teray Haar

Kahein aur baant Day shohratein, Kahein aur Bakhsh Day izatein
Mery pas hai mera aaina, mein kabhi na gard-o-ghubaar loon

Kayi Ajnabi Teray Sheher K, Mery Paas sy Youn Guzar Gaye
Jinhein Dekh Kar Ye Tarap Hui, Tera Naam Lay k Pukaar Loon

Basheer Badar