کیوں نہ ہم عہدِ رفاقت کو بُھلانے لگ جائیں

شائد اِس زخم کو بھرنے میں زمانے لگ جائیں

نہیں ایسا بھی کہ اِک عمر کی قربت کے نشے

ایک دو روز کی رنجش سے ٹھکانے لگ جائیں

یہی ناصح جو ہمیں تجھ سے نہ ملنے کو کہیں

تجھ کو دیکھیں تو تجھے دیکھنے آنے لگ جائیں

ہم کہ ہیں لذتِ آزار کے مارے ہوئے لوگ

چارہ گر آئیں تو زخموں کو چھپانے لگ جائیں

ربط کے سینکڑوں حیلے ہیں محبت نہ سہی

ہم ترے ساتھ کسی اور بہانے لگ جائیں

ساقیا مسجد و مکتب تو نہیں میخانہ

دیکھنا پھر بھی غلط لوگ نہ آنے لگ جائیں

قرب اچھا ہے مگر اتنی بھی شدت سے نہ مل

یہ نہ ہو تجھ کو میرے روگ پرانے لگ جائیں

اب "فراز" آؤ چلیں اپنے قبیلے کی طرف

شاعری ترک کریں بوجھ اٹھانے لگ جائیں

احمد فراز

Kiyun Na hum Ehd-e-Rafaqat ko bhulanay Lag jayein
Shayed is zakhm Ko bharnay mein zamanay Lag jayein

Nahi aisa bhi K ek umar ki qurbat K nashay
Aik do roz ki ranjish sy Thikanay Lag jayein

Yehi Nasih jo humein tujh sy na milnay ko kahein
Tujh ko deikhein to tujhay deikhnay aanay Lag jayein

Hum K hain Lazat-e-Aazaar K maaray huey Log
Charagar aayein to zakhmoon Chupanay Lag jayein

Rabt K Sainkroon heelay hain Muhobat na sahi
Hum tery saath kisi aur bahanay Lag jayein

Saqiya, masjid-o-maktab to nahi meikhana
Deikhna, phir bhi ghalat Log Na aanay Lag jayein

Qurb acha hai magar itni bhi shidat sy Na mil
Ye Na ho Tujh ko mery Rog puranay lag jayein

Ab "FARAAZ" aao chalein apny qabeely ki tarf
Shayari Tark karein Booj Uthanay Lag jayein

Ahmad Faraaz