اُمید بھی کردار پہ پوری نہیں اُتری

یہ شب دلِ بیمار پہ پوری نہیں اُتری

کیا خوف کا منظر تھا تیرے شہر میں کل رات

سچائی بھی اخبار پہ پوری نہیں اُتری

پر اُس کے کہیں، جسم کہیں، خود وہ کہیں ہے

چڑیا کبھی مینار پہ پوری نہیں اُتری

ایک تیرے نہ رہنے سے بدل جاتا ہے سب کچھ

کل دھوپ بھی دیوار پہ پوری نہیں اُتری

میں دنیا کے معیار پہ پورا نہیں اُترا

دنیا میرے معیار پہ پوری نہیں اُتری

منور رانا

Umeed bhi kirdar py poori nahi utri
Ye shab Dil-e-beemar py poori nahi utri

Kiya khauf ka manzar tha tery shehar me kal raat
Sachai bhi akhbaar py poori nahi utri

Parr us K kahin, Jism kahin, Khud woh kahin hai
Chiriyaa kabhi minaar py poori nahi utri

Ek Tery Na rehnay sy badal jata hai sab kuch
Kal Dhoop bhi deewar py poori nahi utri

Me Duniya K meyaar py poora nahi utra
Duniya mery meyaar py poori nahi utri

Munawar Rana