دشت میں پیاس بُجھاتے ہوئے مر جاتے ہیں

ہم پرندے کہیں جاتے ہوئے مر جاتے ہیں

ہم ہیں سوکھے ہوئے تالاب پہ بیٹھے ہوئے ہنس

جو تعلق کو نبھاتے ہوئے مر جاتے ہیں

گھر پہنچتا ہے کوئی اور ہمارے جیسا

ہم ترے شہر سے جاتے ہوئے مر جاتے ہیں

کس طرح لوگ چلے جاتے ہیں اُٹھ کر چُپ چاپ

ہم تو یہ دھیان میں لاتے ہوئے مر جاتے ہیں

اُن کے بھی قتل کا الزام ہمارے سر ہے

جو ہمیں زہر پلاتے ہوئے مر جاتے ہیں

یہ محبّت کی کہانی نہیں مرتی لیکن

لوگ کردار نبھاتے ہوئے مر جاتے ہیں

ہم ہیں وہ ٹوٹی ہوئی کشتیوں والے تابش

جو کناروں کو ملاتے ہوئے مر جاتے ہیں

عباس تابش

Dasht me piyaas bujhatay huey marr jatay hain
Hum parinday Kahein jatay huey marr jatay hain

Hum hain sookhay huey talaab py bethay huey hans
Jo Taluq Ko nibhatay huey marr jatay hain

Ghar pohnchta hai koi aur humaray jeisa
Hum tery shehar sy jatay huey marr jatay hain

Kis Tarah log chalay jatay hain Uth kar chup chaap
Hum to ye dhiyaan men laatay huey marr jatay hain

Un K bhi qatl ka ilzaam humary sar hai
Jo humein zehar pilaatay huey marr jatay hain


Ye Muhobat Ki Kahani nahi marti lekin
Log Kirdaar nibhatay huey marr jatay hain

Hum hain woh tooti hui Kashtiyoun walay "TABISH"
Jo Kinaaron ko milatay huey marr jatay hain

Abbas Tabish