چاہتا کب ھوں فقط بصرہ و بغداد کی خیر
بر سرِ ارض ھر اک قریہء آباد کی خیر
تم مجھے قوم پرستی کا بھلے طعنہ دو
میں تو لکھوں گا مِرے ملکِ خدا داد کی خیر
وہ جو پردیس میں بیٹھے ھیں تِرے دربدَرَاں
رو کے کہتے ھیں کہ ھو کوچہء اجداد کی خیر
اے مِری ماں !مِری دھرتی! مِری مٹّی! مِری جاں
جان دے کر بھی رکھوں گا تِری بنیاد کی خیر
تیرے مزدوروں کسانوں کی ترے بچّوں کی
سانس لیتے ھوئے ھر خلیہء آزاد کی خیر
علی زریون
No comments:
Post a Comment