دس فرحت شاہ اسیں کیہ کریے
ساڈا کوئی نہ لاوے مُل
اسیں نازاں پلے ماپیاں دے
اج گئے وٹیاں وچ تُل
سانوں چنگے بھیڑیے رل مل کے
اج رج کے پھیرن جُل
انج اتھرو ساڈی اکھیاں وچ
جیویں موگھے جاون کھُل
انج ہاسے ساڈے ہوٹاں تے
جیویں قبراں اُتے پھُل
ایتھے دلاں دے اندر زخم ہوون
ساڈا زخماں اندر دل
اسیں ڈھاڈے اوکھے ساہ لویے
سڈے سینے اندر کِل
کدی آپے پٹیاں بنھ لویے
کدی آپے بویے چھِل
دس فرحت شاہ اسیں کیہ کریے
ساڈا کوئی نہ لاوے مُل
فرحت عباس شاہ
No comments:
Post a Comment