کچی عمریں
گندم سے خوشبوئی بوسے
جذبوں کا جسموں میں ڈھلنا
"نیّت" کا "خواھش" سے بدلنا
تن من تا نا نا نا ،ناں ناں ۔۔۔۔
سانسوں کی یکجا سرگم میں
پیراھن اک بوجھ سہیلی ۔۔ !
پیراھن اک بوجھ
بغاوت واجب ٹہھری
مہندی جبر کی مہندی ھو تو رنگ بہت پھیکا آتا ھے
(بعض اوقات تو بدبو آنے لگتی ھے)
دُکھ "جسمی" ھونے کا کب ھے
" جنسی" سمجھے جانے کا ھے
جسمی چاھے جانے کا ھے
عمریں کچّی بھی ھوں تو کیا
پریم تو پکّا ھوتا ھے ناں
علی زریون
No comments:
Post a Comment