Kahein Sang me bhi hai roshni

کہیں سنگ میں بھی ھے روشنی کہیں آگ میں بھی دھواں نہیں

یہ عجیب شہر طلسم ھے ! کہیں آدمی کا نشاں نہیں

نہ ھی اس زمیں کے نشیبب میں نہ ھی آسماں کے فراز پر

کٹی عمر اس کو تلاشتے ، جو کہیں نہیں پر کہاں نہیں ؟

یہ جو زندگانی کا کھیل ھے ، غم و انبساط کا میل ھے

اسے فدر کیا ہو بہار کی ، کبھی دیکھی جس نے خزاں نہیں

جو تھے اشک میں نے پی لیئے ، لب خشک و سوختہ سی لیئے

میرے زخم پھر بھی عیاں رہے ، مرا درد پھر بھی نہاں نہیں

نہیں اس کو عشق سے واسطہ وہ ھے اور ھی کوئی راستہ

اگر اس میں دل کا لہو نہیں ، اگر اس میں جاں کا زیاں نہیں

امجد اسلام امجد