چراغ دل بجھانا چاہتا تھا
وہ مجھ کو بھول جانا چاہتا تھا
مجھے وہ چھوڑ جانا چاہتا تھا
مگر کوئی بہانہ چاہتا تھا
سفیدی آ گئی بالوں پہ اس کے
وہ با عزت گھرانہ چاہتا تھا
اسے نفرت تھی اپنے آپ سے بھی
مگر اس کو زمانہ چاہتا تھا
تمنا دل کی جانب بڑھ رہی تھی
پرندہ آشیانہ چاہتا تھا
بہت زخمی تھے اس کے ہونٹ لیکن
وہ بچہ مسکرانا چاہتا تھا
زباں خاموش تھی اس کی مگر وہ
مجھے واپس بلانا چاہتا تھا
اُدھر قسمت میں ویرانی لکھی تھی
اِدھر میں گھر بسانا چاہتا تھا
وہ سب کچھ یاد رکھنا چاہتا تھا
میں سب کچھ بھول جانا چاہتا تھا
منور رانا
Chiraag-e-Dil bujhana chaahta tha
Woh Mujh ko bhool jana chaahta tha
Mujhay Woh chhorr jana chaahta tha
Magar koi bahana chaahta tha
Safedi aa gayi baalo'n ye uskey
Woh ba-izzat gharana chaahta tha
Usey nafrat thi Apne aap se bhi
Magar usko zamana chaahta tha
Tamanna dil ki jaanib barrh rahi thi
Parinda Aashiyana chaahta tha
Bahut zakhmi thay uskey hont Lekin
Woh bachcha Muskurana chaahta tha
Zuba'n khamosh thi uski magar Woh
Mujhe Wapas bulana chaahta tha
Udhar qismat me'n viraani likhi thi
idhar Main ghar basana chaahta tha
Woh sab kuch yaad rakhna chaahta tha
Main sab kuch bhool jana chaahta tha
No comments:
Post a Comment