ﺗﻢ ﮐﯿﺎ ﺟﺎﻧﻮ !
ﺭﻭﻧﮯ ﻭﺍﻟﻮ !
ﺩﺭﺩ ﮐﮩﺎﮞ، ﮐﺐ ﮐﺲ ﻟﻤﺤﮯ
ﮐﺲ ﭘﻮﺭ ﻣﯿﮟ ﺍٓ ﮐﺮ
ﺍﭘﻨﺎ ﺍٓﭖ ﺩﮐﮭﺎ ﺩﯾﺘﺎ ﮨﮯ
ﺗﻢ ﮐﯿﺎ ﺟﺎﻧﻮ !
ﺗﻢ ﮐﻮ ﺗﻮ ﺑﺲ ﺧﺴﺘﮧ ﺣﺎﻝ ﭘﮧ
ﺭﻭﻧﺎ ﺩﮬﻮﻧﺎ ﺍٓﺗﺎ ﮨﮯ !
ﺗﻢ ﮐﯿﺎ ﺟﺎﻧﻮ
ﻻﻭﺍﺭﺙ ﺳﯽ ﺧﻮﺍﮨﺶ ﮐﻮﺋﯽ
ﭼﮭﭗ ﭼﮭﭗ ﮐﺮ ﺟﺐ
ﺍﯾﮏ ﯾﺘﯿﻤﯽ ﮐﻮ ﺭﻭﺗﯽ ﮨﮯ
ﺗﻢ ﮐﯿﺎ ﺟﺎﻧﻮ
ﺩﺭﺩ ﺳﻮﺗﯿﻼ ﺑﻦ ﮐﺮ ﮐﯿﺴﮯ
ﺑﺮﺗﺎﻭٔ ﮐﺮﺗﺎ ﮨﮯ ﺍُﺱ ﺳﮯ
ﺗﻢ ﮐﯿﺎ ﺟﺎﻧﻮ
ﺳﺮﺩ ﮨﻮﺍ ﻣﯿﮟ
ﮐﻦ ﮐﻦ ﺑﮭﻮﻟﮯ ﺑﺴﺮﮮ ،
ﺑﭽﮭﮍﮮ ﻟﻮﮔﻮﮞ ﮐﮯ ﻏﻢ ﯾﺎﺩ ﺍٓﺗﮯ ﮨﯿﮟ
ﺗﻢ ﮐﯿﺎ ﺟﺎﻧﻮ !
ﻏﻢ ﮐﯽ ﺩﺭﺩ ﺑﮭﺮﯼ ﺍٓﻏﻮﺵ ﻣﯿﮟ
ﭘﻞ ﺑﮭﺮ ﺍٓﻧﮑﮭﯿﮟ ﺑﻨﺪ ﮐﺮ ﻟﯿﻨﺎ
ﺍﻭﺭ ﮐﺒﮭﯽ ﭘﮭﺮ ﮐﮭﻮﻝ ﻧﮧ ﭘﺎﻧﺎ
ﺗﻢ ﮐﯿﺎ ﺟﺎﻧﻮ ﯾﮧ ﺳﺐ ﮐﯿﺴﺎ ﮨﻮﺗﺎ ﮨﮯ !
ﺻﺤﺮﺍ ﻣﯿﮟ ﺍﮎ ﺗﻨﮩﺎ ﭘﯿﮍ ﮐﮯ ﺳﺎﺋﮯ ﻣﯿﮟ
ﭘﻞ ﺑﮭﺮ ﮐﻮ ﺑﯿﭩﮭﻮ
ﺗﻮ ﻣﻌﻠﻮﻡ ﭘﮍﮮ ﻧﺎ ﺗﻢ ﮐﻮ !
ﮐﮭﻮﮐﮭﻠﮯ ﺧﺎﻟﯽ ﭘﯿﮍ ﺳﮯ
ﺻﺤﺮﺍﻭٔﮞ ﻣﯿﮟ ﺟﮭﻠﺴﺘﯽ ﺩﮬﻮﭖ ﺍﻭﺭ
ﻣﺮﺩﮦ ﻟُﻮ ﮐﺎ ﻗﺼﯿﺪﮦ ﺍٓ ﮐﮯ ﺳﻨﻮ
ﺗﻮ ﺗﻢ ﮐﻮ ﺑﮭﯽ ﻣﻌﻠﻮﻡ ﭘﮍﮮ ﻧﺎ
ﺗﻢ ﮐﻮ ﺗﻮ ﺑﺲ ﮨﺠﺮ ﺯﺩﻭﮞ ﮐﺎ ﻣﺎﺗﻢ ﮐﺮﻧﺎ ﺍٓﺗﺎ ﮨﮯ
ﺗﻢ ﮐﯿﺎ ﺟﺎﻧﻮ ﺩﺭﺩ ﭘﺮﺳﺘﯽ ﮐﯿﺎ ﮨﻮﺗﯽ ﮨﮯ
ﺗﻢ ﮐﻮ ﺗﻮ ﺑﺲ ﺍﺷﮏ ﺑﮩﺎﻧﮯ ﺍٓﺗﮯ ﮨﯿﮟ !
ﺗﻢ ﮐﯿﺎ ﺟﺎﻧﻮ ﺑﮯ ﺣﺎﻟﯽ ﺍﻭﺭ
ﺑﮯ ﭼﯿﻨﯽ ﮐﯿﺎ ﮨﻮﺗﯽ ﮨﮯ !
-
ﺯﯾﻦ ﺷﮑﯿﻞ
No comments:
Post a Comment