Mery Geet Tu Kahan

مرے گیت تُو کہاں ہے

مر ے گیت تُوکہاں ہے

مرے میت تُو کہاں ہے

کسی شام ِ معتدل میں

تری پھول پھول کھلتی

ہوئی گفتگو کہاں ہے

لبِ مشکبو کہاں ہے

مرے یار تُو کہاں ہے

ترا ساتھ زندگی ہے

ترا ہاتھ زندگی ہے

تری خوشبوئے بدن میں

کوئی خوابناک جادو

ترے پیرہن کے پیچھے

گلِ سرخ رو کے نیچے

کوئی آگ جل رہی ہے

تری گرم مسکراہٹ

مری آنکھ کے ہرن کو

کسی دشتِ خوبرو میں

رکھے پہلوئے کرم میں

ترے عشوہ وادا کی

جہاں آب جو بہی ہے

وہیں سبزہ ئ تبسم

وہیںلالہئ تکلم 

تُو بہار ہے سراپا

مری آنکھ میں خزاں ہے

مرے میت تُُو کہاں ہے

مرے گیت تُو کہاں ہے

تُو ہی میرا فن ہے لَے ہے

مرا حرف میری نَے ہے

تجھے گنگنائوں شب بھر

تجھے روز گائوں شب بھر

بڑے لطف و ناز سے میں

مرے گیت تُو کہاں ہے 

مرے میت تُو کہاں ہے