پُوچھنے والے تُجھے کیسے بتائیں آخر
دُکھ عبارت تو نہیں جو تُجھے لکھ کر بھیجیں
یہ کہانی بھی نہیں ہے کہ سُنائیں تُجھ کو
نہ کوئی با ت ہے ایسی کہ بتائیں تجھ کو
زخم گر ہوں تو تیرے ناخن کے حوالے کر دیں
آئینہ بھی تو نہیں ہے کہ دکھائیں تُجھ کو
تُو نے پُوچھا ہے مگر کیسے بتائیں تُجھ کو
یہ کوئی راز نہیں جِس کو چُھپائیں تو وہ راز
کبھی چہرے، کبھی آنکھوں سے چھلک جاتا ہے
جیسے آنچل کو سنبھالے کو ئی اور تیز ہوا
جب بھی چلتی ہے تو شانوں سے ڈھلک جاتا ہے
اب تُجھے کیسے بتائیں ہمیں کیا دُکھ ہے
جِسم میں رینگتی رہتی ہے مسافت کی تھکن
پھر بھی کاندہوں پہ اُٹھائے ہُوئے حالات کا بوجھ
اپنے قدموں سے ہٹاتے ہُوئےسایہ اپنا
جِس کو بھی دیکھئے چُپ چاپ چلا جاتا ہے
کبھی خُود سے کبھی رستوں سے اُلجھتا ہے مگر
جانے والا کسی آواز پہ رُکتا ہی نہیں
ڈُھونڈنا ہے نیا پیرائیہِ اظہار ہمیں
استعاروں کی زباں کوئی سمجھتا ہی نہیں
دل گرفتہ ہیں طلسماتِ غمِ ہستی سے
سانس لینے سے فسوں قریہِ جاں ٹوٹتی ہے
اک تغیر پسِ ہر شے ہے مگر ظُلم کی ڈور
ابھی معلوم نہیں ہے کہ کہاں ٹُوٹتی ہے
تُو سمجھتا ہے کہ خُوشبو سے مُعتر ہے حیات
تُو نے چکھا ہی نہیں زہر کسی موسم کا
تُجھ پہ گُزرا ہی نہیں نکس ِ جنوں کا عالم
ایسا عالم جہاں صدیوں کے تغیر کا نشہ
ہر بچھڑتی ہُوئی ساعت سے گلے ملتا ہے
اس تماشے کا بظاہر تو نہیں کوئی سبب
صِرف محسوس کرو گے تو پتہ چلتا ہے
ایک دُھن ہے جو سُنائی نہیں دیتی پِھر بھی
لے بہ لے بڑھتا چلا جاتا ہے ہنگامہِ ستم
کُو بہ کُو پھیلتا چلا جاتا ہے غُبارِ من و تُو
رُوح سے حالی ہُوَے جاتے ہیں جسموں کے حرم
وقت بے رحم ہے ہم رقصِ برہنہ ہیں سبھی
اب تو پابندِ سلاسل نہیں کوئی پھر بھی
دشتِ مژگاں میں بھڑکتا ہُوا تاروں کا جنوں
صفحہِ لب پہ سِسکتی ہُوئی آواز کی لو
دیکھ تو کیسے رہائی کی خبر کرتی ہے
روزنِ وقت سے آغازِ سفر کرتی ہے
بے خبر رہنا کسی بات سے اچھا ہی نہیں
تُو کبھی وقت کی دہلیز پہ ٹھہرا ہی نہیں
تُو نے دیکھے ہی نہیں حلقہِ امروز کے رنگ
گرمیِ واعدہِ فردا سے پگھلتے ہُوئے لوگ
اپنے ہی خواب کی تعبیر میں جلتے ہُو ئے لوگ
بُھوک اور پیاس کی ماری ہُوئی فصلوں کی طرح
برِاعظم کی لکیروں سے اُبھرتے ہُوئے لوگ
امن کے نام پہ بارود بھری دُنیا میں
خس و خاشاک کی مانند بِکھرتے ہُوئے لوگ
روز جیتے ہُوئے اور روز ہی مرتے ہُوئے لوگ
زندگی فلم نہیں ہے کہ دِکھائیں تُجھ کو
تُو نے پُوچھا ہے مگر کیسے بتائیں تُجھ کو
کوئی محفوظ نہیں اہلِ تحفظ سے یہاں
رات بھاری ہے کہیں اور کہیں دن بھاری
ساری دُنیا کوئی میدان سا لگتی ہے ہمیں
جِس میں اک معرکہِ سُود و زیاں جاری ہے
پاوں رکھے ہُوئے بارود پہ سب لوگ جہاں
اپنے ہاتھوں میں اُٹھائے ہُوئے پروانہِ شب
آستینوں میں چُھپائے ہُوئے مہتاب کوئی
اپنی گردن میں لئے اپنے گریبان کا طوق
نیند میں چلتے ہُوئے دیکھتے ہیں خواب کوئی
اور یہ سوچتے رہتے ہیں کہ دیواروں سے
شب کے آثار ڈھلے، صُبح کا سُورج اُبھرا
دُور اُفق پار پہاڑوں پہ چمکتی ہُوئی برف
نئے سُورج کی تمازت سے پگھل جائے گی
اور کسی وقفہِ امکانِ سحر میں اب کہ
روشنی سارے اندھیروں کو نِگل جائے گی
دیکھئے کیسے پہنچاتی ہے ٹھکانے پہ کہیں
دُور اک فاخطہ اُڑتی ہے نشانے پہ کہیں
آ کہ یہ منظرِ خوں بستہ دکھائیں تُجھ کو
تُو نے پُوچھا ہے مگر کیسے بتائیں تُجھ کو
کوئی گاہک ہی نہیں جوہرِ آئندہ کا
چشم کھولے ہُوئے بیٹھی ہے دُکانِ گریہ
اور اسی منظرِ خوں بستہ کے گوشے میں کہیں
سر پہ ڈالے ہُوئے اک لمحہِ موجود کی دُھول
تیرے عُشاق بہت خاک بسر پھرتے ہیں
وقت کب کھینچ لے مقتل میں گواہی کے لئیے
دستِ خالی میں لیئے کاسئہ سر پھرتے ہیں
پُوچھنے والے تُجھے کیسے بتائیں آخر
دُکھ عبارت تو نہیں جو تُجھے لکھ کر بھیجیں
دُکھ تو محسُوس ہُوا کرتے ہیں
چاہے تیرا ہو یا میرا دُکھ ہو
آدمی وہ ہے جِس کو جیتے جی
صرف اپنا نہیں سب کا دُکھ ہو
چاک ہو جائے جو اک بار ہوس کے ہاتھوں
جامہِ عشق دوبارہ تو نہیں سلتا ہے
آسماں میری زمینوں پہ جُھکتا ہے لیکن
تیرا اور میرا ستارہ ہی نہیں ملتا ہے!!

سلیم کوثر

DUKAAN E GIRIYA
Pochne Walay
Tujhay Keisay Batayein aakhir
Dukh ibarat To nahi jo Tujhay Likh Kar Bhejein
Ye Kahani Bhi nahi hai K Sunayein Tujh Ko
Na Koi Baat Hi aisi K Batayein Tujh Ko
Zakham Ho To Teray Nakhoon K Hawalay Kar Dein
Aaina Bhi To nahi hai K Dikhayein Tujh Ko
Tu Ne pocha hai magar Kesay Batayein Tujh Ko
Ye Koi Raaz nahi, jis Ko Chupayein To Woh Raaz
Kabhi Chehray Kabhi ankhon sy chalak jata Hai
Jeisay aanchal Ko Sanbhalay Koi, aur Taiz hawa
Jab Bhi Chalti hai To Shaanon sye Dhalak jata hai
Ab Tujhe Keisay Batayein K Humein Dukh Kiya hai
Jism mein Reengti rehti hai musafat Ki Thakan
Phir bhi Kaandhon py Uthaye Huey Haalat Ka Bojh
Apny Qadmoon sy Hatatay Huey Saaya Apna
Jis Ko Bhi Dekhiye Chup chaap Chala jata hai
Kabhi Khud sy Kabhi Rastoon sy ulhajta hai magar
Janay wala Kisi aawaz py Rukta Hi nahi
Dhondna hai naya pairaya-e-izhaar Humein
isti'aron Ki Zaban Koi Samajhta Hi nahi
Dil-girafta Hain Tilismat-e-gham-e-Hasti sy
Saans Lenay sy Fasoon Kari-e-Jaan Tot'ti Hai
ek Taghayyur pass e har shay hai magar zulm Ki Dorr
Abhi malom nahi hai K Kahaan totti hai
Tu Samajhta hai K khushbu sy mo'attar hai Hayat
Tu ne chakkha Hi nahi zehar Kisi mausum Ka
Tujh py guzra Hi nahi Raqs-e-junoon Ka aalam
Aisa aalam jahan Sadiyon K Tahayyar Ka Nasha
Her Bicharti hui Sa'at sy galay milta hai
is Tamashay Ka Bazahir To nahi Koi sabab
Sirf mehsos Karogay To pata chalta hai
ek Dhun hai jo Sunai nahi Deti phir Bhi
La'y Ba la'y Barhta chala jata hai Haangam-e-Sitam
Ku-Ba-Ku pheilta jata hai ghubaar-e-man-o-Tau
Rooh sy khali huey jatay Hain jismon K Haram
Waqt Be-Reham hai,Hum Raqs Barhina Hain Sabhi
Ab To paband-e-Salal nahi Koi phir Bhi
Dasht-e-mazgaan mein Bhatakta hua Taaron Ka Hujoom
Safha-e-Lab py sisakti hui aawaz Li Lao
Dekh To Kesy rihai Ki Khabar Karti hai
Rozan-e-Waqt sy aaghaz-e-Safar Karti Hai
Be-Khabar rehna Kisi Baat sy acha Hi nahi
Tu Kabhi Waqt Ki Dehlez py Thehra Hi nahi
Tu Ne Dekhay Hi nahi Halqa-e-Amroz K Rang
Garmi-e-Wadaa-e-Farda sy pighaltay Huey Log
Bhook or piyas Ki maari Hui Fasloon Ki Tarah
Barray Aazam Ki Lakkeroon sy ubhartay Huey Log
Aman K naam py Barood Bharri Duniya mein
Khass-o-Khashak Ki manind Bikhartay Huey Log
Roz jetay Huey or Roz Hi martay Huey Log
Zindagi Film nahi hai K Dikhayein Tujh Ko
Tu Ne pocha hai magar Kesay Batayein Tujh Ko
Koi mehfoz nahi ehl-e-Tahaffuz sy Yahan
Raat Bhari hai Kahin or Kahin Din Bhari hai
Saari Duniya Koi maidan sa Lagti hai Humein
jis mein ek maarka-e-sod-o-ziyan jaari hai
Paon rakhey huey Barood py sab jahan
Apnay Hathoon mein uthaye huey parwana-e-Shab
aasteenon mein chupaye Huey mahtaab Koi
Apni gardan mein Liye Apnay gareban Ka Tauq
Neeind mein chaltay Huey Dekhtay Hain Khuwab Koi
or Ye sochtay Rehtay hain K Dewaroon sy
Shab K aasar Dhale,subha Ka Chehra ubhra
Door ufaq paar paharon py Chamakti Hui Baraf
naye Suraj Ki Tamazat sy pighal jayegi
or Kisi Waqfa-e-imkan-e-sehar me ab K
Roshni Saray andheron Ko nigal jayegi
Dekhiye Kesay pohanchti hai Tikhanay py Kahin
Door ek Faakhta Urrti hai nishanay py Kahin
Aa K Ye manzar-e-Khon Basta Dikhayen Tujh Ko
Tu Ne pocha hai Magar Kesay Batayein Tujh Ko
Koi gahag Hi nahi johar-e-Aainda Ka
Chashm Kholay Huey Bethi hai Dukan-e-girya
or isi manzar-e-Khon Basta K goshay me Kahin
Sar py Dalay Huey ek Lamha-e-maujod Ki Dhol
Tere ushhaaq Bohat Khak Basar phirtay Hain
Waqt Kab Khench Lay maqtal me gawahi K Liye
Dast-e-Khali me Liye Kasa-e-Sar phirtay Hain
Dukh ibarat To nahi jo Tujhay Likh Kar bhejein
Dukh To mehsoos Hua Karta hai
Chahay Tera Ho K Mera Dukh Ho
Admi Woh hai Jissay jeetay ji
Sirf Apna nahi sab Ka Dukh Ho
Chak Hojaye jo ek bar hawas K Hathoon
Jama-e-Ishq Dobara To nahi silta hai
Aasman meri Zamenoon py jhuka hai Lekin
Tera or mera Sitara Hi nahi mita hai....

(Saleem Kausar)