Ye Jo qurbaton Ka Khumaar hai By Aitbaar Sajid

یہ جو قربتوں کا خمار ہے

مرے اجنبی، مرے آشنا
تو مصر کے آئینہ خانے میں
ترے خال و خد کے سوا مجھے
کہیں اور کچھ نہ دکھائی دے

یہ عذابِ طوق و رسن میرا
کسی قصرِ خواب و خیال تک
مرے ذہن کو نہ رسائی دے
مجھے راستہ نہ سجھائی دے

تو یہ چھت جو اپنے سروں پہ ہے
یہ جو بام و در کے حصار ہیں
یہ جو رت جگوں کی بہار ہے
یہ جو قربتوں کا خمار ہے
تو اِسی پہ کیا شبِ عمر کی، سبھی راحتوں کا مدار ہے ؟
مرے اجنبی، مرے آشنا

کہ دھواں دھواں سی جو ہے فضا
یہ تھمی تھمی سی جو ہے ہوا
یہ جو شور ہے دلِ زار کا
کبھی اِس پہ غور کیا ہے کیا ؟
مرے اجنبی، مرے آشنا

کبھی کاش تجھ سے میں کہہ سکوں
کہ یہ ساعتیں ہیں کٹھن بہت
مرے زخم جاں کے طبیب آ
مرے تن بدن سے بھی ربط رکھ
مری روح کے بھی قریب آ
مرے اجنبی، مرے آشنا

اعتبار ساجد

Yeh jo Qurbaton Ka Khumaar hai
Mery ajnabi, Mery aashna
Tu misar K aaina Khany mein
Tery Khal-o-Khad K siwa Mujhy
Kahein aur kuch Na Dikhai Day

Yeh Azaab-e-Tauq-o-Rasan mera
Kisi Qasr-e-Khawab-o-Khayal Tak
Mery Zehn Ko Na Rasaii Day
Mujhy Rasta Na Sujhai Day

To Yeh chhat jo apny Sarroon py hai
Yeh Jo Baam-o-Dar K Hisaar Hain
Yeh jo rat-jagon Ki Baahar hai
Yeh jo Qurbatoon Ka Khumaar hai
To isi py Kiya shab-e-omr Ki sabhi Rahtoon Ka madaar hai?
Mery Ajnabi, Mery Aashna

K Dhooaan Dhovaan C jo hai Fiza
Yeh Thami Thami C jo hai hawa
Yeh jo shoor hai Dil-e-zaar Ka
Kabhi is py ghor Kiya hai Kiya?
Mery Ajnabi, Mery Aashna

Kabhi Kaash Tujh sy mein Keh sakoon
Keh Yeh Sa'atein Hein Kathan Bahot
Mery zakhm-e-jaan K Tabeeb aa

Mery Tan-Badan sy Bhi Rabt rakh
Meri rooh K Bhi Qareeb aa
Mery Ajnabi, Mery aashna

Aitibaar Sajid