لفظ ٹوٹے لبِ اظہار تک آتے آتے

مر گئے ہم ترے معیار تک آتے آتے

ہم سمجھتے تھے کہ کچھ وقت لگے گا شاید

ایک انکار کو اقرار تک آتے آتے

ہاتھ رکھنا پڑا سینے پہ ہمیں بھی آخر

دل کہاں رہتا ہے دلدار تک آتے آتے

ایک لمحے کی مسافت بھی بڑی ہوتی ہے

ہم کو تو عمر لگی یار تک آتے آتے

"سعد" یہ بات سمجھ میں نہیں آنے والی

رہ گیا سچ ہی فقط دار تک آتے آتے

سعد اللہ شاہ

Lafz Tootay Lab-e-izhaar Tak aatay aatay
Marr gaye Hum Teray Mayaar Tak aatay aatay

Hum Samajhtay Thay K Kuch Waqt Lagay ga Shaayad
aik inkaar Ko Iqraar Tak aatay aatay

Haath Rakhna Parra seenay py Humein Bhi Aakhir
Dil Kahaan Rehta Hai Dildaar Tak aatay aatay

aik Lamhay Ki Musaafat Bhi Barri Hoti Hai
Hum Ko To Umar Lagi Yaar Tak aatay aatay

"SAAD" Ye Baat Samjh mein Nahi aanay wali
Reh gaya Sach Hi Faqt Daar Tak aatay aatay

Saad ULLAH Shah