محبت میں مسافت کی نزاکت مار دیتی ہے

یہاں پر ایک ساعت کی حماقت مار دیتی ہے

محبت کے سفر میں ثالثی سے بچ کے رہنا تم

کہ اس راہِ محبت میں شراکت مار دیتی ہے

غلط ہے یہ گماں تیرا کوئی تجھ پر فدا ہو گا

کسی پر کون مرتا ہے ضرورت مار دیتی ہے

ہمارے ساتھ چلنا ہے تو منزل تک چلو ہم دم

ادھورے راستوں کی یہ رفاقت مار دیتی ہے

میں حق پر ہوں مگر میری گواہی کون دیتا ہے

کہ دنیا کی عدالت میں صداقت مار دیتی ہے

سرِ محفل جو بولوں تو زمانے کو کھٹکتا ہوں

رہوں میں‌چُپ تو اندر کی بغاوت مار دیتی ہے

رہوں گھر میں تو مجھ پر طنز کرتا ہے ضمیر اپنا

اگر سڑکوں پہ نکلوں تو حکومت مار دیتی ہے

نہیں تھے پر بہت کچھ تھے ہم اپنی خوش گمانی میں

فسانوں میں جیئیں لیکن حقیقت مار دیتی ہے

کسی کی بے نیازی پر زمانہ جان دیتا ہے

کسی کو چاہے جانے کی یہ حسرت مار دیتی ہے

سرِ بازار ہر اک شے مجھے انمول لگتی ہے

اگر میں بھاؤ پوچھون بھی تو قیمت مار دیتی ہے

زمانے سے اُلجھنا بھی نہیں اچھا مگر زلفی

یہاں حد سے زیادہ بھی شرافت مار دیتی ہے

ذوالفقار علی زلفی

کتاب: دشتِ امکاں

Muhobat men Musafat ki nazakat maar deti hai
Yahan par aik sa'at ki himaqat maar deti hai

Muhobat K safer men Saalsi sy bach k rehna tum
K is rah-e-Muhobat men Sharakat maar deti hai

Ghalat hai ye gumaan tera koi tujh par fida hoga
Kisi py kon marta hai zaroorat maar deti hai

Humaray saath chalna hai to manzil tak chalo hum_dam
Adhooray rastoon ki ye rafaqat maar deti hai

Me Haq par hoon magar meri gawahi kon deta hai
K duniya ki adalat men Sadaqat maar deti hai

Sar-e-Mehfil jo boolon to zamany ko Khatakta hoon
Rahoon me chup to andar ki baghawat maar deti hai

Rahoon ghar men to mujh par tanz karta hai Zameer apna
Agar sarkoon py nikloon to Hakoomat maar deti hai

Nahi thay par bahot kuch thay hum apni Khush_gumani men
Fasaano me jayein Lekin Haqeeqat maar deti hai

Kisi ki Be-niyazi par zamana Jaan deta hai
Kisi ko chahay janay ki Ye hasrat maar deti hai

Sar-e-bazaar her ik shay mujhay anmool lagti hai
Agar me bhao puchoon bhi To qeemat maar deti hai

Zamany sy ulajhna bhi nahi acha magar "ZULFI"
Yahaan Had sy ziyada bhi sharafat maar deti hai

Zulfqaar Ali Zulfi
Book: Dasht-e-imkaan