ناروا ہے سخن شکایت کا
وہ نہیں تھا میری طبیعت کا
دشت میں شہر ہو گئے آباد
اب زمانہ نہیں ہے وحشت کا
وقت ہے اور کوئی کام نہیں
بس مزہ لے رہا ہوں فرصت کا
بس اگر تذکرہ کروں تو کروں
کس کی زلفوں کا کس کی قامت کا
مر گئے خواب سب کی آنکھوں کے
ہر طرف ہے گلہ حقیقت کا
اب مجھے دھیان ہی نہیں آتا
اپنے ہونے کا ، اپنی حالت کا
تجھ کو پا کر زیاں ہوا ہم کو
تو نہیں تھا ہماری قیمت کا
صبح سے شام تک میری دُنیا
ایک منظر ہے اس کی رخصت کا
کیا بتاؤں کہ زندگی کیا تھی
خواب تھا جاگنے کی حالت کا
کہتے ہیں انتہائے عشق جسے
اک فقط کھیل ہے مروت کا
آ گئی درمیان روح کی بات
ذکر تھا جسم کی ضرورت کا
زندگی کی غزل تمام ہوئی
قافیہ رہ گیا محبت کا
جون ایلیا
Naarwa hai Sukhan shikayat Ka
Woh nahi tha meri tabiyat ka
Dasht me shehar ho gaye abaad
Ab zamana nahi hai wehshat Ka
Waqt hai aur koi kaam nahi
Bas maza lay raha hoon fursat Ka
Bas agar tazkara karoon to karoon
Kis ki zulfoon ka kis ki qamat Ka
Mar gaye khawab sab ki ankhoon K
Her tarf hai gila haqeeqat Ka
Ab Mujhay dhiyaan hi nahi aata
Apny hony ka, Apni halat Ka
Tujh ko paa kar zayaan hua hum ko
Tu nahi tha meri qeemat Ka
Subh sy shaam tak meri duniya
aik manzar hai us ki rukhsat Ka
Kiya bataaon k zindagi kiya thi
Khawab tha jaagnay ki halat Ka
Kehtay hain intiha-e-Ishq jisay
Ik faqat khail hai murawat Ka
aa gayi Darmiyaan Rooh Ki baat
Zikar tha jism ki zaroorat Ka
Zindagi ki ghazal tamaam hui
Qafiya reh gaya Muhobat Ka
No comments:
Post a Comment