موجد کا حسن اپنی ہی ایجاد کھا گئی
ماں کا شباب کثرت اولاد کھا گئی
دیہات کے وجود کو قصبہ نگل گیا
قصبے کا جسم شہر کی بنیاد کھا گئی
اک عمر جس کے واسطے دفتر کیے سیاہ
اس مرکزی خیال کو روداد کھا گئی
تیری تو آن بڑھ گئی مجھ کو نواز کر
لیکن مرا وقار یہ امداد کھا گئی
کاریگروں نے بابوؤں کو زیر کر لیا
محنت کی آنچ کاغذی اسناد کھا گئی
قد تو پھلوں کا بڑھ گیا دور جدید میں
صاحب مگر اثر کو نئی کھاد کھا گئی
Mojad Ka Husan Apni Hi Ejaad Kha gayi
Maa Ka Shabaab Kasrat-E-Aulaad Kha gayi
Dehaat K Wajood Ko Qasba Nigal gaya
Qasbay Ka Jism Shehar Ki Buniyaad Kha gayi
Ik Umar Jis K Wastey Daftar Kiye Siyah
Us Markazi Khayal Ko Roodaad Kha gayi
Teri To Aan Barh gayi Mujh ko Nawaz Kar
Lekin Mera Waqar Yeh Imdaad Kha gayi
Karigaron Ne Baboun Ko Zair Kar Liya
Mehnat Ki Aanch Kaagzi Asnaad Kha gayi
Qad To Phaloon Ka Barh gaya Dor-E-Jadeed mein
Sahib Magar asar ko nayi Khaad Kha gayi
No comments:
Post a Comment