Phaily gi Behar Taur

پھیلے گی بہر طور شفق نیلی تہوں میں

قطرے کا لہو بھی ہے سمندر کی رگوں میں

-

مقتل کی زمیں صاف تھی آئینہ کی صورت

عکسِ رخِ قاتل تھا ہر اک قطرہءِ خوں میں

-

مت پوچھ مری چشمِ تحیر سے کہ مجھ کو

کیا لوگ نظر آئے ہیں دشمن کی صفوں میں

-

کچھ وہ بھی کم آمیز تھا، تنہا تھا، حسیں تھا

کچھ میں بھی مخل ہو نہ سکا اس کے سکوں میں

-

ہر صبح کا سورج تھا میرے سائے کا دشمن

ہر شب نے چھپایا ہے مجھے اپنے پروں میں

-

اب اہل خرد بھی ہیں لہو سنگِ جنوں سے

کیا رسم چلی شہر کے آشفتہ سروں میں

-

جو سجدہ گہِ ظلمت ِ دوراں رہے محسن

اتری نہ کوئی اندھی کرن ایسے گھروں میں