تم نے مجھے کہا تھا
تم میرے دوست ہو
پکے اور مخلص دوست
لیکن تم اور بھی بہت سارے لوگوں کے دوست تھے
پکے اور مخلص دوست
تم نے مجھے کہا تھا
تم مجھ سے محبت کرتے ہو
سچی اور گہری محبت
لیکن تم بہت سے دوسرے لوگوں سے بھی محبت کرتے تھے
سچی اور گہری محبت
میں نے چاہا تھا
تم میرے ہوجاؤ
میرے اپنے
سارے اور مکمل
لیکن تم نے مجھے ہمیشہ آدھے غم دیے ہیں
اور کوئی کیا جانے
آدھے غم مکمل غموں سے کہیں زیادہ غمزدہ کر دینے والے ہوتے ہیں
-
فرحت عباس شاہ
No comments:
Post a Comment