Mujhay gila hai

ﻣﺠﮭﮯ ﮔﻠﮧ ﮨﮯ

ﻋﻈﯿﻢ ﺧﺎﻟﻖ ! ۔۔۔

ﻣﺠﮭﮯ ﯾﮧ ﮐﮩﻨﺎ ﺗﮭﺎ

ﻣﺠﮫ ﮐﻮ ﺗﺠﮫ ﺳﮯ ﺑﮩﺖ ﮔﻠﮯ ﮨﯿﮟ

ﻣﺠﮭﮯ ﮔﻠﮧ ﮨﮯ

ﮐﮧ ﻣﺠﮫ ﮐﻮ ﺗﺨﻠﯿﻖ ﮐﺮﺗﮯ ﮐﺮﺗﮯ

ﺑﺲ ﺍﯾﮏ ﮐﻤﯽ ﺗﻮ ﻧﮯ ﭼﮭﻮﮌ ﺩﯼ ﮨﮯ

ﮐﮧ ﯾﻮﮞ ۔۔۔ ﺟﻮ ﺭَﺩ ﺍﺱ ﻧﮯ ﮐﺮ ﺩﯾﺎ ﮨﮯ

ﮐﺴﯽ ﭘﮧ ﺭَﺩ ﮬﻮ ﮐﮯ ﮐﯿﺎ ﮔﺬﺭﺗﯽ ﮨﮯ

ﺍﺱ ﮐﯽ ﺗﺠﮫ ﮐﻮ ﺧﺒﺮ ﮨﯽ ﮐﯿﺎ ﮨﮯ

ﻣﺠﮭﮯ ﮔﻠﮧ ﮨﮯ

ﮐﮧ ﺟﻦ ﭘﺮ ﺗﻮ ﻧﮯ ﻧﮕﺎﮦ ﮈﺍﻟﯽ

ﻭﮦ ﺗﯿﺮﮮ ﻓﻦ ﮐﯽ ﻣﺜﺎﻝ ﭨﮭﮩﺮﮮ

ﮨﺰﺍﺭ ﺍُﻥ ﻣﯿﮟ ﮐﻤﺎﻝ ﭨﮭﮩﺮﮮ

ﻣﮕﺮ ﺍﮮ ﺧﺎﻟﻖ !۔۔۔۔

ﻣﯿﮟ ﺗﯿﺮﮮ ﮬﺎﺗﮭﻮﮞ ﮨﯽ

ﺗﯿﺮﮮ ﻓﻦ ﮐﯽ ﻣﺜﺎﻝ ﺑﻨﻨﮯ ﺳﮯ ﺭﮦ ﮔﯿﺎ ﮬﻮﮞ

ﻣﺠﮭﮯ ﮔﻠﮧ ﮨﮯ

ﮐﮧ ﺗﻮ ﻧﮯ ﻣﺠﮫ ﮐﻮ ﻭﮦ ﻟﻔﻆ ﺑﺨﺸﮯ

ﺟﻮ ﺑﻮﻟﺘﮯ ﮨﯿﮟ ﺗﻮ ﺍﯾﮏ ﺩﻧﯿﺎ ﮐﮯ ﺧﻮﺍﺏ

ﺑﮭﯽ ﺍﻥ ﻣﯿﮟ ﺑﻮﻟﺘﮯ ﮨﯿﮟ

ﯾﮧ ﺳﺎﻧﺲ ﻟﯿﮟ ﺗﻮ ﺯﻣﺎﻧﮧ ﺍﻥ ﻣﯿﮟ ﺩﻟﻮﮞ ﮐﯽ

ﺩﮬﮍﮐﻦ ﮐﻮ ﮈﮬﻮﻧﮉﺗﺎ ﮨﮯ

ﻣﮕﺮ ﯾﮧ ﮐﺘﻨﺎ ﺳﺘﻢ ﮨﮯ ﺧﺎﻟﻖ ! ۔۔۔۔

ﺟﻮ ﻣﯿﺮﮮ ﻟﻔﻈﻮﮞ ﻣﯿﮟ ﺍﭘﻨﮯ ﺧﻮﺍﺑﻮﮞ ﮐﻮ

ﺩﯾﮑﮭﺘﮯ ﮨﯿﮟ

ﻭﮦ ﻟﻮﮒ ﻣﺠﮫ ﺳﮯ ﮔﺮﯾﺰ ﭘﺎ ﮨﯿﮟ

ﻣﯿﮟ ﭼﺎﮬﺘﺎ ﺗﮭﺎ ﮐﮧ ﮐﻮﺋﯽ ﮬﻮﺗﺎ

ﻋﻈﯿﻢ ﺧﺎﻟﻖ ! ۔۔۔ ﮐﻮﺋﯽ ﺗﻮ ﮬﻮﺗﺎ

ﺟﻮ ﻣﯿﺮﯼ ﺧﺎﻃﺮ ﺍﺩﺍﺱ ﺟﺎﮌﮮ ﮐﯽ ﺳﺮﺩ

ﺭﺍﺗﻮﮞ ﻣﯿﮟ

ﺭَﺗﺠﮕﻮﮞ ﮐﮯ ﻋﺬﺍﺏ ﺳﮩﺘﺎ

ﺟﻮ ﻣﯿﺮﮮ ﺣﺼﮯ ﮐﮯ ﺯﺧﻢ ﺍﭘﻨﮯ ﺟﮕﺮ ﭘﮧ ﻟﯿﺘﺎ

ﺟﻮ ﻣﯿﺮﯼ ﺁﻧﮑﮭﻮﮞ ﻣﯿﮟ ﺍﺷﮏ ﭘﺎﺗﺎ

ﺗﻮ ﺧﻮﻥ ﺭﻭﺗﺎ

ﺟﺪﺍﺋﯽ ﻣﺠﮫ ﮐﻮ ﺍﺩﺍﺱ ﮐﺮﺗﯽ

ﺗﻮ ﻭﮦ ﺑﮭﯽ ﭘﮩﺮﻭﮞ ﺍﺩﺍﺱ ﺭﮬﺘﺎ

ﻣﺠﮭﮯ ﮔﻠﮧ ﮨﮯ

ﮐﮧ ﺟﺲ ﮐﯽ ﺧﺎﻃﺮ ﻣﯿﮟ ﺗﺠﮫ ﺳﮯ ﺍﮐﺜﺮ

ﺍﻟﺠﮫ ﭼﮑﺎ ﮬﻮﮞ

ﻭﮦ ﺷﺨﺺ ﻣﺠﮫ ﺳﮯ ﮔﺮﯾﺰ ﭘﺎ ﮨﮯ

Tum Zinda ho

سانحہ پشاور پر لکھی گئی نظم

تم زندہ ہو

جب تک دنیا باقی ہے تم زندہ ہو

اے میرے وطن کے شہزادو، تم زندہ ہو

خوشبو کی طرح اے پھولو، تم زندہ ہو

ہر ماں کی پرنم آنکھوں میں

ہر باپ کے ٹوٹے خوابوں میں

ہر بہن کی الجھی سانوں میں

ہر بھائی کی بکھری یادوں میں

تم زندہ ہو۔۔ تم زندہ ہو

ہم تم کو بھول نہیں سکتے

یہ یاد ہی اب تو جیون ہے

ہر دل میں تمہاری خوشبو ہے

ہر آنکھ تمہارا مسکن ہے

جن کو بھی شہادت مل جائے

وہ لوگ امر ہو جاتے ہیں

یادوں کے چمن میں کھیلتے ہیں

خوشبو کا سفر ہو جاتے ہیں

تم بجھے نہیں ہو، روشن ہو

ہر دل کی تم ہی دھڑکن ہو

کل تک تو بس ایک ہی گھر کے باسی تھے

اب ہر اک گھر میں بستے ہو

تم زندہ ہو

اے میرے وطن کے شہزادو، تم زندہ ہو

امجد اسلام امجد

(اس نظم کا بنیادی خیال اور استعادہ اس قرانی آیت سے مستعار ہے کہ شہیدوں کو مردہ مت کہو وہ زندہ ہیں)

Tera Kehna hai

تیرا کہنا ھے بھُلا دوں تجھ کو 

کام مشکل ھے مگر کر دوں گا

Bahot Mila na mila, Zindagi sy gham Kiya hai

بہت مِلا نہ مِلا، زندگی سے غم کیا ہے

متاعِ درد بہم ہے تو بیش و کم کیا ہے.

ہم ایک عمر سے واقف ہیں، اب نہ سمجھاؤ

کہ لطف کیا ہے مرے مہرباں، ستم کیا ہے

کرے نہ جگ میں الاؤ تو شعر کس مصرف

کرے نہ شہر میں جل تھل تو چشمِ نم کیا ہے

لحاظ میں کوئی کچھ دور ساتھ چلتا ہے

وگرنہ دہر میں اب خضر کا بھرم کیا ہے

اجل کے ہاتھ کوئی آ رہا ہے پروانہ

نہ جانے آج کی فہرست میں رقم کیا ہے

سجاؤ بزم، غزل گاؤ، جام تازہ کرو

"بہت سہی غمِ گیتی، شراب کم کیا ہے"

نومبر، 1984ء

فیض احمد فیض

Udaaas Kamra Humari Halat py Hans raha hai

اداس کمرہ ہماری حالت پہ ہنس رہا ہے

گھڑی کی سوئیاں تڑپ تڑپ کر

زوالِ شب کو بڑھا رہی ہیں

ہم اپنے حصے کے زخم لے کر

مہیب راہوں میں کھو رہے ہیں

اکیلے پن کا عذاب ہم پر اتر رہا ہے

جو ہو سکے تو تلاش کر لو

گزرنے والے ہر اجنبی سے ہمارا پوچھو

ہمیں پکارو کہ ہم کہاں ہیں

عابد علی عابد

Kabhi Jab me nahi hoon ga by Aatif Saeed

کبھی جب میں نہیں ہوں گا

تمہیں سب یاد آئے گا

وہ میری بے کراں چاہت

تمہارے نام کی عادت

وہ میرے عشق کی شدت

وصال و ہجر کی لذت

تمہاری ہر ادا کو شاعری کا رنگ دے دینا

خود اپنی خواہشوں کو بے بسی کا رنگ دے دینا

تمہیں سب یاد آئے گا

وہ میری آنکھ کا نم بھی

وفاؤں کا وہ موسم بھی

جنوں خیزی کا عالم بھی

مری ہر اک خوشی غم بھی

مرا وہ مسکرا کر درد کو دل سے لگا لینا

تمہاری خواب سی آنکھوں کا ہر آنسو چرا لینا

تمہیں سب یاد آئے گا

تمہاری سوچ میں رہنا

تمہاری بے رخی سہنا

بُھلا کر رنجشیں ساری

فقط "اپنا" تمہیں کہنا

تمہارے نام کو تسبیح کی صورت بنا لینا

تمہارے ذکر سے دل کا ہر اک گوشہ سجا لینا

ابھی تو مسکرا کر تم مری باتوں کو سنتی ہو

مگر یہ جان لو جاناں!

تمہیں سب یاد آئے گا

کبھی جو میں نہیں ہوں گا

عاطف سعید

Aana Ko Jeet janay DO

انا کو جیت جانے دو

سُنو، اب واپسی کے راستے مسدود ھیں سارے

کہاں خوشبو کا جھونکا، رنگ باقی ھے گلابوں میں

ستاروں میں بھی کوئی روشنی کب ھے؟

بچھڑنے سے جو سچ پوچھو کہیں کوئی کمی کب ھے

محبت کے سویرے شام اوڑھے سو چُکے کب کے،

وفا کے اِس جنازے پر بھی ھم تم رو چُکے کب کے

چلو جو پل بچے ھیں

اِن کو ہنس کر بیت جانے دو

انا کو جیت جانے دو

Bicharnay Walay

بچھڑنے والے 

چلے جو ہو تو بتا کے جاؤ ۔۔۔  

کہ کتنی شامیں اداس آنکھوں میں کاٹنی ہیں ۔۔ ؟

کہ کتنی صبحیں اکیلے پن میں گزارنی ہیں ۔۔۔ ؟

بتا کے جاؤ ۔۔۔  

کہ کتنے سورج عذاب رستوں کو دیکھنا ہے۔۔۔؟ 

کہ کتنے مہتاب سرد راتوں کی وسعتوں سے نکالنے ہیں ۔۔۔ ؟

بتا کے جاؤ ۔۔۔  

کہ چاند راتوں میں وقت کیسے گزارنا ہے۔۔۔ ؟ 

خاموش لمحوں میں تجھ کو کتنا پکارنا ہے ۔۔۔۔۔؟ 

بتا کے جاؤ ۔۔۔ 

کہ کتنے لمحے شمار کرنے ہیں ہجرتوں کے ۔۔۔۔ ؟

کہ کتنے موسم اک ایک کر کے جدائیوں میں گزارنے ہیں ۔۔۔؟؟ بتا کے جاؤ ۔۔۔ 

کہ پنچھیوں نے اکیلے پن کا سبب جو پوچھا ۔۔۔۔۔۔۔۔۔۔

تو کیا کہوں گا ۔ ۔ ۔ ؟؟ کسی نے رستے میں روک کر جو مجھ سے پوچھا ۔۔۔۔۔

کہ پچھلے موسم میں جو اجنبی تھا ۔ ۔ ۔ !!۔ کہاں گیا ہے ۔ ۔ ۔ ۔ ؟؟ تو کیا کہوں گا ۔ ۔ ۔ ۔؟

بتا کے جاؤ 

میں کس سے تیرا گلہ کروں گا ۔۔۔۔۔ ؟

بچھڑ کے تجھ سے حبیب کس سے ملا کروں گا ۔۔۔۔۔ ؟ 

بتا کے جاؤ کہ آنکھ برسی تو کون موتی چنا کرے گا۔۔۔۔۔ ؟

اداس لمحوں میں دل کی دھڑکن سنا کرے گا ؟ 

بتا کے جاؤ کہ موسموں کو پیام دینے ہیں ۔ ۔ ۔ ؟یا نہیں ۔۔۔۔۔ ؟

فلک کو ، تاروں کو ، جگنوؤں کو سلام دینے ہیں ۔ ۔ ۔؟ یا نہیں ؟

بتا کے جاؤ ۔۔۔ 

کہ کس پہ ہے اعتبار کرنا۔۔۔۔۔ ؟ 

تو کس کی باتوں پہ بےنیازی کے سلسلے اختیار کرنا ۔۔۔۔۔ ؟

بتا کے جاؤ کہ اب رویوں کی چال کیا ہو ۔۔۔۔۔ ؟

جواب کیا ہو ؟۔ ۔ ۔ سوال کیا ہو ۔۔۔۔۔ ؟ عروج کیا ہو ؟ ۔ ۔ ۔ ، زوال کیا ہو۔۔۔۔۔ ؟

نگاہ ، رخسار ، زلف ، چہرہ . . نڈھال کیا ہو ۔۔۔۔۔ ؟

بتا کے جاؤ ۔۔۔ 

کہ میری حالت پہ چاندنی کھلکھلا پڑی تو میں کیا کروں گا ۔ ۔ ؟؟ 

بتا کے جاؤ ۔۔۔ 

کہ میری صورت پہ تیرگی مسکرا پڑی تو میں کیا کروں گا ۔ ۔ ۔ ؟؟

بتا کے جاؤ ۔۔۔ 

کہ تم کو کتنا پکارنا ہے ۔۔۔۔۔ ؟

بچھڑ کے تجھ سے یہ وقت کیسے گزارنا ہے ۔۔۔۔۔ ؟

اجاڑنا ہے ۔ ۔ ۔ ۔ ؟ نکھارنا ہے ۔۔۔۔۔ ؟

بدن کو کتنا سنوارنا ہے ۔ ۔ ۔ ؟

چلے جو ہو تو ۔ ۔ ۔ ۔ ۔ ۔!! بتا کے جاؤ ۔ ۔ ۔ ۔ ۔

Chal Umr Ki ghatri Kholtay hain

چل عمر کی گٹھڑی کھولتے ہیں 

اور دیکھتے ہیں

ان سانسوں کی تضحِیک میں سے 

اس ماہ و سال کی بِھیک میں سے

اس ضرب، جمع، تفرِیق میں سے

کیا حاصل ہے، کیا لاحاصل

چل گٹھڑی کھول کے لمحوں کو 

کچھ وصل اور ہجر کے برسوں کو

کچھ گِیتوں کو، کچھ اشکوں کو

پھر دیکھتے ہیں اور سوچتے ہیں

یہ درد بھری سوغات ہے جو

یہ جِیون کی خیرات ہے جو

اِک لمبی کالی رات ہے جو

سب اپنے پاس ہی کیوں آئی

یہ ہم کو راس ہی کیوں آئی

یہ دیکھ یہ لمحہ میرا تھا، جو اور کسی کے نام ہوا 

یہ دیکھ یہ صبح کا منظر تھا، جو صبح سے مثلِ شام ہوا 

اور یہ میرا آغاز پڑا جو بدتر از انجام ہوا

اب چھوڑ اسے، آ دیکھ اِدھر

یہ حَبس پڑا اور ساتھ اس کے 

کچھ اُکھڑی اُکھڑی سانسیں ہیں

اِک دُھندلا دُھندلا منظر ہے 

اور اُجڑی اُجڑی آنکھیں ہیں

یہ جھُلسے ہوئے کچھ خواب ہیں جن کے ساتھ کوئی تعبیر نہیں

یہ دیکھ حنائی ہاتھ بھی ہیں، پر وصل کی ایک لکیر نہیں

دو نازک ہونٹ گلاب سے ہیں پر داد جو دے وہ میرؔ نہیں

اک اسم محبت والا ہے اور اس کی بھی تفسیر نہیں

بس اتنی ہمت تھی تجھ میں

بس تیری آنکھیں بھیگ گئیں

ابھی اور بہت سے لمحے ہیں 

ابھی اور بہت سی باتیں ہیں

ابھی ہِجر بھرا اِک ہُجرہ ہے

ابھی درد بھری اِک کُٹیا ہے

چل چھوڑ اس درد کہانی کو 

روک آنکھ سے بہتے پانی کو

آ ڈھونڈ کہیں اس گٹھڑی میں 

اِک ہِِجر آلود سا وعدہ ہے

وعدہ بھی سیدھا سادہ ہے

بس اپنے اپنے رستے پر

چلتے رہنے کا ارادہ ہے

تُو دیکھ اگر وہ مِل جائے

ممکن ہے زخم بھی سِل جائے 

ورنہ ہم ہِِجر جو کاٹ چکے

وہ اس جیون سے زیادہ ہے

Bahot Masroof rehty ho

بہت مصروف رہتے ہو

نہیں فرصت ذرا تم کو

بہت سے دوست ایسے ہیں

جنہیں ملنا ملانا ہے

کئی دنیا کی رسمیں ہیں

جنہیں تم نے نبھانا ہے

ادھورے کام ہیں ڈھیروں

جنہیں اب ختم کرنا ہے

مگر کیا ان ضروری کاموں کی فہرست میں تم نے

مجھے ملنا، مجھے تکنا نہیں لکھا

کیا ان کاموں کے آخر سے بھی آخر میں

میرا درجہ نہیں آتا

بہت دشوار ہے میرے لیے اس کرب کو سہنا

نہیں ممکن مگر اس درد کا اب دل میں ہی رہنا

اگر فرصت ہو تو سوچو

جنہیں پوروں سے چنتے تھے

وہ آنسو رُلتے جاتے ہیں

جسے تم جان کہتے تھے

اگر وہ جان ہی نا ہو

تو پھر پھولوں کی خوشبو لے کر آنا بھی تو کیا آنا

کہ مٹی کی لحد پر بیٹھ کر واپس بلانے سے 

کوئی بھی آ نہیں جاتا

جو دنیا میں کسی کا غم نہ بانٹے، ساتھی وہ کیسا

کہ پلکوں کی گھنی جھالر کے گرنے پر

اسے رونا، بلانا ، وقت کو الزام دے دینا

بڑی فرسودہ باتیں ہیں

کہ تم تو جانتے ہوگے

گرا آنسو، گیا لمحہ اور پلکوں جا گرا پردہ

دوبارہ مڑ نہیں سکتا

Tumhara aur mera Taluk

تمھارا اور میرا وہ تعلق ہے 

جو کسی کتاب میں درج نہیں 

تمھاری آواز اور میری سماعت نے ہم دونوں کے درمیاں ایک ربط قائم کیا ہے 

ہمارے درمیاں

کوئی رشتہ نہیں ہے 

پھر بھی ہم ایک دوسرے کیلئے لازم و ملزوم ہیں!

تم میرے لئے

بہتے دریا کی مانند ہو

جو ہر رشتے کو سیراب کرتا جاتا ہے

اور میں تمھارے لئے 

ایک موج کی مانند 

جو دریا سے الگ ہو جاۓ تو تشنگی اسکا مقدر بن جاتی ہے! 

اس لئے میری دعا ہے کے 

میری تم سے چاہت کو 

کبھی زوال نہ آۓ

Jugnu Lamhy

جگنو لمحے

یه چند جگنو سے خواب لمحے

تمھارے ہاتھوں میں آج بند ہیں

ذرا ہتھیلی کو کھول دیکھو

یہ اڑ چلیں گے

یہ چند جگنو سے خواب لمحے

تمھارے رب نے عطا کئے ہیں

تمھیں جو پانا ہے آج پا لو

جو کرنا ہے تم ابھی سے کر لو

یہ جگنو لمحے پکارتے ہیں 

کوئی بھی رت لوٹ کر نہ آئی

کبھی کوئی سال کیا ہے ٹھرا

یا بیتا لمحہ کبھی ہے لوٹا

یہ زندگانی

ہے اک پہر یا پہر کا حصہ

وقت کی آغوش میں

تمھاری نصرت کے سیپ موتی

مچل رہے ہیں

یہ جگنو لمحے پکارتے ہیں

کہ اب تو سوچو

یہ جگنو لمحے رہیں گے خالی

یا

کہ تم وہی بدنصیب ہو گے

کہ جس نے سونے کے دام دے کر

خریدی مٹی

جو اڑ چلے گی

Kiya Ajeeb Rishta hai

کیا عجب رشتہ ہے

درد اور محبت میں

جس قدر محبتوں میں شدتیں مہکتی ہیں

درد بڑھتا جاتا ہے

کیا عجیب رشتہ ہے

خواب اور حقیقت میں

جس قدر بھی اچھے ہوں

خواب ٹوٹ جاتے ہیں

اور یہ حقیقت ہے

کیا عجیب رشتہ ہے

آنسوؤں کا بارش سے 

ہجر کی کہانی جب آنسوؤں سی لکھی ہو

بارشیں نہیں رکتیں

کیا عجیب رشتہ ہے

راستوں کا منزل سے

دل سے گر نہ چلتے ہوں

لاکھ راستے بدلیں

منزلیں نہیں ملتیں

کیا عجیب رشتہ ہے

لفظ کا خیالوں سے

میں تیرے خیالوں میں

گم اگر نہیں ہوتی

لفظ ہی نہیں جڑتے

کیا عجیب رشتہ ہے

دل سے تیری چاہت کا

لاکھ روکنا چاہوں

دل کو تیری چاہت سے

دل میری نہیں سنتا

کیا عجیب رشتہ ہے

موت ، زندگی کا بھی

دل سے شاعری کا بھی

دھڑکنوں سے سانسوں کا

مجھ سے تیری آنکھوں کا

تجھ سے میری باتوں کا

روشنی سے راتوں کا

کچھ سمجھ نہیں آتا

ضبط آخری حد تک

آزماۓ جاتے ہیں

اور ایسے رشتوں کو

ہم نبھاۓ جاتے ہیں

Sadq-e-Safai By ALi Zariyoun

" صدق صفائی"

"دھیان سے بیٹا

سڑک کنارے گٹر کا ڈھکّن کھلا ھوا ھے

ڈھکّن کوئی لے بھاگا ھے

دو اینٹیں تو وہاں کسی نے رکھ دی ھیں

پر شام کا وقت ھے

اور گلی میں

مَیں نے تم کو پہلی بار ھی دیکھا ھے

دھیان سے جانا "

اُس نے بزرگ کو پیار سے دیکھا 

سر کو تابع فرمانی کی جنبش دے کر شکریہ بولا

اور کنارے سے کچھ ھٹ کر چلتے چلتے

گٹر پہ پہنچا

کھڑے کھڑے ھی اندر جھانکا

دیکھوں تو کتنا گہرا ھے 

نظر گٹر کے اندر پہنچی

اور صدا سینے سے آئی

" کیا دیکھا ھے ؟

گٹر کے اندر یا من اندر ؟؟

گٹر کے گندے پانی سے بدبو آتی ھَے ؟؟

وہ جو ایک گٹر سوچوں کا کھلا ھوا ھے 

اس کا سوچا ؟؟

کب سے یونہی کھلا پڑا ھے

کیسی کیسی روشن سوچیں اور ارادے

نفرت اور تعصب کے اس مین ھول میں گر کے خود کو ھار چکے ھیں

اُس سے کبھی بدبو نہیں آئی ؟؟"

سوچ نہیں تھی

برقی رو تھی

جس نے اس کے پورے وجود کو توڑ دیا تھا

اس سے قبل کہ وہ رو پڑتا

شانے پر اک نرم شفیق سی دستک جاگی

بابا جی نے پیار سے پوچھا

" کیا ھوا بیٹا ؟

کب سے یہیں پر کھڑے ھوئے ھو 

گھر نئیں جانا ؟؟"

اُس نے بزرگ کے ھاتھ کو چوما

پیار سے بولا

" جی بابا جی 

گھر جانا ھے

سوچ رھا ھوں

برگد اور بزرگ بھی کتنے پیارے سوھنے ھوتے ھیں

میاں محمّد بخش کی باتیں

خسرو جی کے پریم کی ٹھنڈک

خواجہ فرید کے سوز کا مرھم

اور کبیر کے دوھوں کا رس 

سب کچھ انت اخیر سا کیوں ھے

آخر عشق فقیر سا کیوں ھَے

صاف سمجھ میں آج آیا ھے

یہ سب اتنے پیارے کیوں تھے

اِن کے اندر "شر" جو نہیں تھے

اِن کے من میں گٹر نہیں تھے

جی بابا جی

میں نے سنا تھا

گہرائی میں جھانکنے والے اکثر خود کو پا جاتے ھیں

اب گہرائی دریا کی ھو یا ھو گٹر کی

اپنی اپنی قسمت ھے بس

گھر جاتا ھوں"

بابا جی نے پیار سے اُس کا ماتھا چوم کے اتنا بولا 

خیر ھو بیٹا ۔۔۔۔ !! 

علی زریون

Facebok par ata hoon

ﻓﯿﺲ ﺑﮏ ﭘﮧ ﺁﺗﺎ ﮨﻮﮞ

ﺟﮭﻮﭨﮯ ﺳﭽﮯ ﻭﻋﺪﻭﮞ ﺳﮯ

ﭼﮑﻨﯽ ﭼﭙﮍﯼ ﺑﺎﺗﻮﮞ ﺳﮯ

ﺩﻭﺳﺖ ﻣﯿﮟ ﺑﻨﺎﺗﺎ ﮨﻮﮞ

ﺑﮯ ﺣﺠﺎﺏ ﭼﮩﺮﻭﮞ ﺳﮯ

ﻭﺍﻝ ﮐﻮ ﺳﺠﺎﺗﺎ ﮨﻮﮞ

ﺍﻟﭩﯽ ﺳﯿﺪﮬﯽ ﺑﺎﺗﻮﮞ ﭘﮧ

ﺗﺎﻟﯿﺎﮞ ﺑﺠﺎﺗﺎ ﮨﻮﮞ

ﮨﺮ ﻃﺮﻑ ﻟﻄﯿﻔﮯ ﮨﯿﮟ

ﺑﯿﭻ ﻣﯿﮟ ﺣﺪﯾﺜﯿﮟ ﮨﯿﮟ

ﺍﯾﮏ ﭘﻞ ﺗﻮ ﺁﯾﺖ ﮨﮯ

ﭘﮭﺮ ﮐﻮﺋﯽ ﺷﺮﺍﺭﺕ ﮨﮯ

ﮐﺐ ﺍﺫﺍﻥ ﮨﻮﺗﯽ ﮨﮯ

ﮐﭽﮫ ﭘﺘﺎ ﻧﮩﯿﮟ ﭼﻠﺘﺎ

ﺩﻋﻮﮮ ﺟﯿﻨﮯ ﻣﺮﻧﮯ ﮐﮯ

ﻋﺸﻖ ﻣﺼﻄﻔﯽ ( ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ) ﻣﯿﮟ ﮨﯿﮟ

ﮐﮩﻨﮯ ﺍﻭﺭ ﮐﺮﻧﮯ ﻣﯿﮟ

ﻓﺎﺻﻠﮧ ﺧﻼﺅﮞ ﺳﺎ

ﻓﻠﺴﻔﮧ ﻧﮩﯿﮟ ﮐﻮﺋﯽ

ﺳﺎﻣﻨﮯ ﮐﯽ ﺑﺎﺗﯿﮟ

ﻓﯿﺲ ﺑُﮏ ﮐﯽ ﺩﻧﯿﺎ ﺑﮭﯽ

ﺍِﮎ ﺍﻧﺪﮬﯿﺮ ﻧﮕﺮﯼ ﮨﮯ

ﻣﻨﺎﻓﻘﺖ ﮐﺎ ﻣﯿﻠﮧ ﮨﮯ

ﻓﯿﺲ ﺑُﮏ ﮐﮯ ﻣﻨﺪﺭ ﻣﯿﮟ

ﺳﻮﻣﻨﺎﺕ ﺑِﮑﮭﺮﮮ ﮨﯿﮟ

ﻏﺰﻧﻮﯼ ﭘُﺠﺎﺭﯼ ﮨﯿﮟ

ﭘﻞ ﻣﯿﮟ ﺭﺍﻡ ﺭﺍﻡ ﮨﮯ

ﭘﻞ ﻣﯿﮟ ﺳﺐ ﺣﺮﺍﻡ ﮨﮯ

ﻓﻠﺴﻔﮧ ﻧﮩﯿﮟ ﮐﻮﺋﯽ

ﺳﺎﻣﻨﮯ ﮐﯽ ﺑﺎﺗﯿﮟ

ﻓﯿﺲ ﺑُﮏ ﮐﯽ ﺩﻧﯿﺎ ﺑﮭﯽ

ﺍِﮎ ﺍﻧﺪﮬﯿﺮ ﻧﮕﺮﯼ ﮨﮯ

ﻣﻨﺎﻓﻘﺖ ﮐﺎ ﻣﯿﻠﮧ ﮨﮯ

Suno Aay Mashraki Larki

ﺳﻨﻮ ﺍﮮ ﻣﺸﺮﻗﯽ ﻟﮍﮐﯽ

ﮐﺒﮭﯽ ﻣﻐﺮﺏ ﮐﻮ ﻧﮧ ﺗﮑﻨﺎ

ﻧﮧ ﺑﻨﯿﺎﺩﻭﮞ ﮐﻮ ﭨﮭﮑﺮﺍﻧﺎ

ﻭﮨﺎﮞ ﮐﮯ ﮐﮭﻮﮐﮭﻠﮯ ﺭﺷﺘﮯ

ﺗﻘﺪﺱ ﭼﮭﯿﻦ ﻟﯿﺘﮯ ﮨﯿﮟ

ﻧﮕﺎﮨﻮﮞ ﮐﺎ ۔ ﭘﻨﺎﮨﻮﮞ ﮐﺎ

ﺳﻤﮯ ﮐﯽ ﭼﻠﺘﯽ ﺭﺍﮨﻮﮞ ﮐﺎ

ﺛﻘﺎﻓﺖ ﮐﮯ ﻟﺒﺎﺩﮮ ﻣﯿﮟ

ﺗﻤﺪﻥ ﮐﮯ ﺑﮑﮭﯿﮍﻭﮞ ﻣﯿﮟ

ﮨﻮﺱ ﮐﯽ ﺭﺍﺝ ﺩﺍﺭﯼ ﮨﮯ

ﻋﺠﺐ ﮨﯽ ﮐﮭﯿﻞ ﺟﺎﺭﯼ ﮨﮯ

ﺳﻨﻮ ﺍﮮ ﻣﺸﺮﻗﯽ ﻟﮍﮐﯽ

ﻭﻓﺎ ﺗﯿﺮﺍ ﺣﺴﯿﮟ ﮔﮩﻨﺎ

ﺣﯿﺎ ﺗﯿﺮﯼ ﺣﻨﺎ ﺑﻨﺪﯼ

ﺁﺯﺍﺩﯼ ﺳﮯ ﮐﮩﯿﮟ ﺑﮍﮪ ﮐﺮ

ﺣﺴﯿﮟ ﺭﯾﺘﻮﮞ ﮐﯽ ﭘﺎﺑﻨﺪﯼ

ﺳﻨﻮ ﺍﮮ ﻣﺸﺮﻗﯽ ﻟﮍﮐﯽ

Tamaam gham hai

تمام غم ہے

سوال غم ہے

جواب غم ہے

ہزار سالوں میں جو مکمل ہوئی

محبت کی خون رنگی کتاب غم ہے

تمہارے لب پہ جو مسکراہٹ ہے

میرے لب پہ جو آشنائی کی منزلوں کا سفر لکھا ہے

یہ سارا غم ہے

کسی کے تن کی سندرتا غم ہے

کسی نظر کی گُنجلتا غم ہے

محبتوں کے سمندروں میں

اُترتی خوش رنگ سیڑھیوں پر

یہ لڑکیوں کی قطار غم ہے

کفن میں لپٹی دُلہن کی آنکھوں میں

آنسوؤں کا شمار غم ہے

وہ لڑکیاں، لڑکے، عورتیں، مرد غم ہی غم ہیں

جو میری نظموں کے جنگلوں کے

بے سمت رستوں پہ کھو گئے ہیں

وہ سالخوردہ حسین عورت بھی غم کا چہرہ بنی ہوئی ہے

جسے محبت نے روشنی کی نوید دی تھی

وہ جس نے وعدوں سے اپنی منزل کشید کی تھی

وہ گاؤں کی کچی پکی راہیں

وہ میری ماں کی نحیف بانہیں بھی غم ہی غم تھیں

کہ میرا بچپن تو غم کے لمبے سفر کی

غمگین ابتدا تھی

جوانی غم کی کہانی بن کر

کچھ ایسے لفظوں میں ڈھل گئی ہے

کہ غم کی تشہیر ہو گئی ہے

ابھی ابھی یہ جو شوخ سائے

حسین لمحوں کو چن رہے تھے

یہ غم کی تاریخ بن رہے تھے

یہ فلسفہ عقل و عشق و عرفاں

مجاز، اعجاز اور حقیقت بھی سارے غم ہیں

میں ایک شاعر

میں ایک ساحر

میں آگہی کے عذاب میں گُم

سفر کا انجام جانتا ہوں

میں مانتا ہوں

کہ ہر خوشی کا امام غم ہے

Ab K Youn

ﺍﺏ ﮐﮯ ﯾﻮ ﮞ ﺑﮭﯽ ﺗﺮﯼ ﺯﻟﻔﻮﮞ ﮐﯽ ﺷﮑﻦ ﭨﻮﭨﯽ ﮨﮯ

ﺭﻧﮓ ﭘﮭﻮﭨﮯ ، ﮐﮩﯿﮟ ﺧﻮﺷﺒﻮ ﮐﯽ ﺭﺳﻦ ﭨﻮﭨﯽ ﮨﮯ

ﻣﻮﺕ ﺁﺋﯽ ﮨﮯ ﮐﮧ ﺗﺴﮑﯿﻦ ﮐﯽ ﺳﺎﻋﺖ ﺁﺋﯽ

ﺳﺎﻧﺲ ﭨﻮﭨﯽ ﮨﮯ ﮐﮧ ﺻﺪﯾﻮﮞ ﮐﯽ ﺗﮭﮑﻦ ﭨﻮﭨﯽ ﮨﮯ

ﺳﯿﻨۂ ﮔﻞ ﺟﮩﺎﮞ ﻧﮑﮩﺖ ﺑﮭﯽ ﮔﺮﺍﮞ ﭨﮭﮩﺮﯼ ﺗﮭﯽ

ﺗﯿﺮ ﺑﻦ ﮐﺮ ﻭﮨﺎﮞ ﺳﻮﺭﺝ ﮐﯽ ﮐﺮﻥ ﭨﻮﭨﯽ ﮨﮯ

ﺩِﻝ ﺷﮑﺴﮧ ﺗﻮ ﮐﺌﯽ ﺑﺎﺭ ﮨﻮﺋﮯ ﺗﮭﮯ ﻟﯿﮑﻦ

ﺍﺏ ﮐﮯ ﯾﻮﮞ ﮨﮯ ﮐﮧ ﮨﺮ ﺍﮎ ﺷﺎﺥِ ﺑﺪﻥ ﭨﻮﭨﯽ ﮨﮯ

ﺍﺗﻨﯽ ﺑﮯ ﺭﺑﻂ ﻣﺤﺒﺖ ﺑﮭﯽ ﮐﮩﺎﮞ ﺗﮭﯽ ﺍﭘﻨﯽ

ﺩﺭﻣﯿﺎﮞ ﺳﮯ ﮐﮩﯿﮟ ﺯﻧﺠﯿﺮِ ﺳﺨﻦ ﭨﻮﭨﯽ ﮨﮯ

ﺍﮎ ﺷﻌﻠﮧ ﮐﮧ ﺗﮧِ ﺧﯿﻤۂ ﺟﺎﮞ ﻟﭙﮑﺎ ﺗﮭﺎ

ﺍﯾﮏ ﺑﺠﻠﯽ ﮐﮧ ﺳﺮِ ﺻﺤﻦِ ﭼﻤﻦ ﭨﻮﭨﯽ ﮨﮯ

ﺳﻠﺴﻠﮧ ﺗﺠﮫ ﺳﮯ ﺑﭽﮭﮍﻧﮯ ﭘﮧ ﮐﮩﺎﮞ ﺧﺘﻢ ﮨﻮﺍ

ﺍﮎ ﺯﻣﺎﻧﮯ ﺳﮯ ﺭﮦ ﻭ ﺭﺳﻢ ﮐﮩﻦ ﭨﻮﭨﯽ ﮨﮯ

ﻣﺮﮮ ﯾﺎﺭﻭﮞ ﮐﮯ ﺗﺒﺴﻢ ﮐﯽ ﮐﺮﻥ ﻣﻘﺘﻞ ﻣﯿﮟ

ﻧﻮﮎِ ﻧﯿﺰﮦ ﮐﯽ ﻃﺮﺡ ﺯﯾﺮِ ﮐﻔﻦ ﭨﻮﭨﯽ ﮨﮯ

ﺭﯾﺰﮦ ﺭﯾﺰﮦ ﻣﯿﮟ ﺑﮑﮭﺮﺗﺎ ﮔﯿﺎ ﮨﺮ ﺳﻮ ﻣﺤﺴﻦ

ﺷﯿﺸﮧ ﺷﯿﺸﮧ ﻣﺮﯼ ﺳﻨﮕﯿﻨﯽﺀ ﻓﻦ ﭨﻮﭨﯽ ﮨﮯ

ﻣﺤﺴﻦ ﻧﻘﻮﯼ

Tark e Muhobat Kar Bethay

ترکِ محبت کر بیٹھے ہم، ضبط محبت اور بھی ہے

ایک قیامت بیت چکی ہے، ایک قیامت اور بھی ہے

ہم نے اُسی کے درد سے اپنے سانس کا رشتہ جوڑ لیا

ورنہ شہر میں زندہ رہنے کی اِک صورت اور بھی ہے

ڈوبتا سوُرج دیکھ کے خوش ہو رہنا کس کو راس آیا

دن کا دکھ سہہ جانے والو، رات کی وحشت اور بھی ہے

صرف رتوں کے ساتھ بدلتے رہنے پر موقوف نہیں

اُس میں بچوں جیسی ضِد کرنے کی عادت اور بھی ہے

صدیوں بعد اُسے پھر دیکھا، دل نے پھر محسوس کیا

اور بھی گہری چوٹ لگی ہے، درد میں شدّت اور بھی ہے

میری بھیگتی پلکوں پر جب اُس نے دونوں ہاتھ رکھے

پھر یہ بھید کھُلا اِن اشکوں کی کچھ قیمت اور بھی ہے

اُس کو گنوا کر محسن اُس کے درد کا قرض چکانا ہے

ایک اذّیت ماند پڑی ہے ایک اذّیت اور بھی ہے

محسن نقوی

December Mujhay Raas ata nahi

دسمبر مجھے راس آتا نہیں

(۱۹۹۵ء کی آخری نظم)

کئی سال گزرے

کئی سال بیتے

... شب و روز کی گردشوں کا تسلسل

دل و جاں میں سانسوں کی پَرتیں اُلٹتے ہوئے

زلزلوں کی طرح ہانپتا ہے!

چٹختے ہوئے خواب

آنکھوں کی نازک رَگیں چھیلتے ہیں

مگر میں ہر اِک سال کی گود میں جاگتی صبح کو

بے کراں چاہتوں سے اَٹی زندگی کی دُعا دے کے

اَب تک وہی " جستجو " کا سَفر کر رہا ہُوں

سفر زندگی ہے

سفر آگہی ہے

سفرآبلہ پائی کی داستاں ہے

سفر عمر بھی کی سُلگتی ہوئی خواہشوں کا دھواں ہے!

کئی سال گزرے

کئی سال بیتے!

مسلسل سفر کے خم و پیچ میں

سانس لیتی ہوئی زندگی تھک گئی ہے

کہ جذبوں کی گیلی زمینوں میں

بوئے ہوئے روزو شب کی ہر اک فصل اب" پک " گئی ہے

گزرتا ہوا سال بھی آخری ہچکیاں لے رہا ہے

میرے پیش و پَس

خوف، دہشت، اَجل، آگ، بارود کی مَوج

آبادیاں نوچ کر اپنے جبڑوں میں جکڑی ہوئی زندگی کو

درندوں کی صُورت

نِگلنے کی مشقوں میں مصروف تر ہے

ہر اک راستہ، موت کی رہ گزر ہے

گزرتا ہوا سال جیسے بھی گزرا

مگر سال کے آخری دِن

نہایت کٹھن ہیں

ہر اک سَمت لاشوں کے اَنبار

زخمی جنازوں کی لمبی قطاریں

کہاں تک کوئی دیکھ پائے؟

ہواؤں میں بارُود کی باس

خود اَمن کی نوحہ خواں ہے

کوئی چارہ گر، عصرِ حاضر کا کوئی مسیحا کہاں ہے؟

مرے ملنے والو!

نئے سال کی مُسکراتی ہوئی صبح ۔۔۔۔۔۔۔۔ گر ہاتھ آئے

تو مِلنا!!

کہ جاتے ہوئے سال کی ساعتوں میں

یہ بجھتا ہُوا دل

دھڑکتا تو ہے

مسکراتا نہیں

دسمبر مجھے راس آتا نہیں ۔۔۔۔۔۔۔۔

(شاعر: محسن نقوی)

Ab apny Faislay par

اب اپنے فیصلے پر خُود اُلجھنے کیوں لگی ہوں

ذرا سی بات پر اتنا بکھر نے کیوں لگی ہوں

وہ جس موسم کی اب تک منتظر آنکھیں تھیں میری

اسی موسم سے اب میں اِتنا ڈرنے کیوں لگی ہوں

مُجھے نادیدہ رستوں پر سفر کا شوق بھی تھا

تھکن پاؤں سے لپٹی ہے تو مرنے کیوں لگی ہوں

مُجھے یہ چار دیواری کی رونق مار دے گی

مَیں اِک امکان تھی منزل کا مٹنے کیوں لگی ہوں

میں جس کو کم سے کم محسوس کرنا چاہتی تھی

اُسی کی بات کو اِتنا سمجھنے کیوں لگی ہوں

جو میرے دل کی گلیوں سے کبھی گُزرا نہیں تھا

اب اپنے ہاتھ سے خط اس کو لکھنے کیوں لگی ہوں

بدن کی راکھ تک بھی راستوں میں ناں بچے گی

برستی بارشوں میں یُوں سُلگنے کیوں لگی ہوں

وُہی سُورج ہے دُکھ کا پھر یہ ایسا کیا ہُوا ہے

میں پتھر تھی تو آخر اَب پگھلنے کیوں لگی ہوں

نوشی گیلانی

Tamaam Dukh hai

تمام دکه ہے

ہمیں خبر ہے 

تمام دکه ہے

یہ زندگی کو جو آسمانوں کی وسعتوں سے

ہزار صدیوں سے مل رہا ہے

پیام دکهہ ہے

جو کار زار زوال ہستی کو

دھوپ چھاؤں کی آہٹوں سے چلا رہا ہے

نظام دکه ہے

سحر تو اک مختصر سا غم ہے

طویل دن کی حویلیوں کے

جو راستوں میں ٹهہر گئی ہے

وہ شام دکه ہے

یہ شام دکه ہے

کہ اس کی شہ پر کئی دنوں سے

مسافران ابد کا ایسے فراق آثار راستوں پر

سفر تو خیر ایک المیہ ہے

قیام دکهہ ہے 

ہمیںخبر ہے تمام دکه ہے

یہ آس دکه ہے نراس دکه ہے 

اداسیوں کا لباس دکهہ ہے 

یہ تشنگی جو عذاب بن کر ٹهہر گئی ہے

بدن کے بوسیدہ ساحلوں پر

تو اس کا عہد دوام دکهہ ہے

یہ شور کرتی ہوا کا سارا خرام دکه ہے

ہمیں خبر ہے

تمام دکه ہے

یہ تم محبت نباہتے ہو

تو اس محبت کا نام دکه ہے

یہ وصل موسم جو اک مسلسل مغالطہ ہے

تو اس رفاقت کا نام دکهہ ہے

اور ایسی وحشت نما فضا میں

خموش رہنا بهی اک سزا ہے

مگر کسی سے کلام دکه ہے

ہمیں خبر ہے

تمام دکه ہے

نوشی گیلانی

15 Junvary

پندرہ جنوری

جنوریوں کی کتنی شامیں آئیں

آ کر بیت گئیں

دِل نے کوئ آہٹ، کوئ دستک بھی محسوس نہ کی

لیکن سات برس کے بعد

آج کی شام میں

جانے کیا ہے

دائیں آنکھ کا دایاں کونہ بھیگ گیا ہے

نوشی گیلانی

Last Wish

آخری خواہش۔۔۔۔

مِرے ساتھی

مِری یہ روح میرے جسم سے پرواز کر جائے

تو لوٹ آنا

مِری بے خواب راتوں کے عذابوں پر 

سسکتے شہر میں تم بھی

ذرا سی دیر کو رُکنا

مِرے بے نور ہونٹوں کی دُعاو ں پر

تم اپنی سرد پیشانی کا پتھر رکھ کے رو دینا

بس اتنی بات کہہ دینا۔۔۔!!!

”مجھے تم سے محبت ہے“

نوشی گیلانی

Woh Jo Lagti Thi Kanch Ki guriya

ڈھونڈنے جس میں زندگی نکلی

وہ اسی شخص کی گلی نکلی

وہ جو لگتی تھی کانچ کی گڑیا

ضرب پڑنے پہ آہنی نکلی

اس حویلی میں چاند ڈھلنے پر

ہر دریچے سے روشنی نکلی

وہ ہوا تو نہیں تھی لڑکی تھی

کس لیے اتنی سر پھری نکلی

نوشی گیلانی

Shayed

شاید

میں شاید تم کو یکسر بھولنے والا ہوں

شاید، جانِ جاں شاید

کہ اب تم مجھ کو پہلے سے زیادہ یاد آتی ہو

ہے دل غمگیں، بہت غمگیں

کہ اب تم یاد دل وارانہ آتی ہو

شمیم دور ماندہ ہو

بہت رنجیدہ ہو مجھ سے

مگر پھر بھی

مشامِ جاں میں میرے آشتی مندانہ آتی ہو

جدائی میں بلا کا التفاتِ محرمانہ ہے

قیامت کی خبر گیری ہے

بےحد ناز برداری کا عالم ہے

تمہارے رنگ مجھ میں اور گہرے ہوتے جاتے ہیں

میں ڈرتا ہوں

میرے احساس کے اس خواب کا انجام کیا ہوگا

یہ میرے اندرونِ ذات کے تاراج گر

جذبوں کے بیری وقت کی سازش نہ ہو کوئی

تمہارے اس طرح ہر لمحہ یاد آنے سے

دل سہما ہوا سا ہے

تو پھر تم کم ہی یاد آؤ

متاعِ دل، متاعِ جاں تو پھر تم کم ہی یاد آؤ

بہت کچھ بہہ گیا ہے سیلِ ماہ و سال میں اب تک

سبھی کچھ تو نہ بہہ جائے

کہ میرے پاس رہ بھی کیا گیا ہے

کچھ تو رہ جائے

جون ایلیا

Aay Shama e Ko e Janaan

اے شمعِ کوئے جاناں

ہے تیز ہوا ، مانا 

لَو اپنی بچا رکھنا ۔ رستوں پر نگاہ رکھنا

ایسی ہی کسی شب میں 

آئے گا یہاں کوئی ، کچھ زخم دکھانے کو

اِک ٹوٹا ہوا وعدہ ، مٹی سے اُٹھانے کو

پیروں پہ لہو اُس کے

آنکھوں میں دھواں ہوگا

چہرے کی دراڑوں میں 

بیتے ہوئے برسوں کا 

ایک ایک نشاں ہوگا 

بولے گا نہ کچھ لیکن ، فریاد کُناں ہوگا

اے شمعِ کوئے جاناں

وہ خاک بسر راہی --------- وہ سوختہ پروانہ 

جب آئے یہاں اُس کو مایوس نہ لوٹانا 

ہو تیز ہوا کتنی ، لَو اپنی بچا رکھنا

رستوں پہ نگاہ رکھنا -------- راہی کا پتا رکھنا

اِس بھید بھری چُپ میں اِک پھول نے کھلنا ہے !!

اُس نے انہی گلیوں میں ، اِک شخص سے ملنا ہے !!

( امجد اسلام امجد )

جب بھی گھر کی چھت پر جائیں ناز دکھانے آ جاتے ہیں 

کیسے کیسے لوگ ہمارے جی کو چلانے آ جاتے ہیں

دن بھر جو سورج کے ڈر سے گلیوں میں چھُپ رہتے ہیں 

شام آتے ہی آنکھوں میں وہ رنگ پرانے آ جاتے ہیں

جن لوگوں نے اُن کی طلب میں صحراؤں کی دھول اُڑائیں 

اب یہ حسیں اُن کی قبروں پر پھول چڑھانے آ جاتے ہیں

ہم بھی منیر اب دُنیا داری کر کے وقت گزاریں گے 

ہوتے ہوتے جینے کے بھی لاکھ بہانے آ جاتے ہیں

منیر نیازی​

ﻣﯿﮟ ﺁﮌﮮ ﺗﺮﭼﮭﮯ ﺧﯿﺎﻝ ﺳﻮﭼﻮ

ﮐﮧ ﺑﮯ ﺍﺭﺍﺩﮦ ﮐﺘﺎﺏ ﻟﮑﮭﻮﮞ

ﮐﻮﺋﯽ ﺷﻨﺎﺳﺎ ﻏﺰﻝ ﺗﺮﺍﺷﻮﮞ

ﮐﮧ ﺍﺟﻨﺒﯽ ﺍﻧﺘﺴﺎﺏ ﻟﮑﮭﻮﮞ

ﮔﻨﻮﺍ ﺩﻭﮞ ﺍﮎ ﻋﻤﺮ ﮐﮯ ﺯﻣﺎﻧﮯ

ﮐﮧ ﺍﮎ ﭘﻞ ﮐﺎ ﺣﺴﺎﺏ ﻟﮑﮭﻮﮞ

ﻣﺮﯼ ﻃﺒﻌﯿﺖ ﭘﮧ ﻣﻨﺤﺼﺮ ﮨﮯ

ﻣﯿﮟ ﺟﺲ ﻃﺮﺡ ﮐﺎ ﻧﺼﺎﺏ ﻟﮑﮭﻮﮞ

ﯾﮧ ﻣﯿﺮﮮ ﺍﭘﻨﮯ ﻣﺰﺍﺝ ﭘﺮ ﮨﮯ

ﻋﺬﺍﺏ ﺳﻮﭼﻮﮞ ﺛﻮﺍﺏ ﻟﮑﮭﻮﮞ

ﻃﻮﯾﻞ ﺗﺮ ﮨﮯ ﺳﻔﺮ ﺗﻤﮩﯿﮟ ﮐﯿﺎ"؟"

ﻣﯿﮟ ﺟﯽ ﺭﮨﺎ ﮨﻮﮞ ﻣﮕﺮ ﺗﻤﮩﯿﮟ ﮐﯿﺎ"؟"

ﻣﮕﺮ ﺗﻤﮩﯿﮟ ﮐﯿﺎ ﮐﮧ ﺗﻢ ﺗﻮ ﮐﺐ ﺳﮯ

ﻣﺮﮮ ﺍﺭﺍﺩﮮ ﮔﻨﻮﺍ ﭼﮑﮯ ﮨﻮ

ﺟﻼ ﮐﮯ ﺳﺎﺭﮮ ﺣﺮﻭﻑ ﺍﭘﻨﮯ

ﻣﺮﯼ ﺩﻋﺎﺋﯿﮟ ﺑﺠﮭﺎ ﭼﮑﮯ ﮨﻮ

ﻣﯿﮟ ﺭﺍﺕ ﺍﻭﮌﮬﻮﮞ ﮐﮧ ﺻﺒﺢ ﭘﮩﻨﻮﮞ

ﺗﻢ ﺍﭘﻨﯽ ﺭﺳﻤﯿﮟ ﺍﭨﮭﺎ ﭼﮑﮯ ﮨﻮ

ﺳﻨﺎ ﮨﮯ ﺳﺐ ﮐﭽﮫ ﺑﮭﻼ ﭼﮑﮯ ﮨﻮ

ﺑﮭﻼ ﭼﮑﮯ ﮨﻮ

ﺗﻮ ﺍﺏ ﻣﺮﮮ ﺩﻝ ﭘﮧ ﺟﺒﺮ ﮐﯿﺴﺎ؟

ﯾﮧ ﺩﻝ ﺗﻮ ﺣﺪ ﺳﮯ ﮔﺰﺭ ﭼﮑﺎ ﮨﮯ

ﮔﺰﺭ ﭼﮑﺎ ﮨﮯ ﻣﮕﺮ ﺗﻤﮩﯿﮟ ﮐﯿﺎ؟

ﺧﺰﺍﮞ ﮐﺎ ﻣﻮﺳﻢ ﭨﮭﮩﺮ ﭼﮑﺎ ﮨﮯ

ﭨﮭﮩﺮ ﭼﮑﺎ ﮨﮯ ﻣﮕﺮ ﺗﻤﮩﯿﮟ ﮐﯿﺎ؟؟

ﻣﮕﺮ ﺗﻤﮩﯿﮟ ﮐﯿﺎ ﮐﮧ ﺍﺱ ﺧﺰﺍﮞ ﻣﯿﮟ

ﻣﯿﮟ ﺟﺲ ﻃﺮﺡ ﮐﮯ ﺑﮭﯽ ﺧﻮﺍﺏ ﻟﮑﮭﻮﮞ

(محسن نقوی )

میں داسی ڈھولن یار کی 

میری پوری ہوئی مراد

اک آ کے یار کی قید میں 

ہوا تن، من، دھن آزاد

مری لوں لوں کوکے ہجرمیں 

کرے دم دم دل فریاد

کوئی درد مصله ڈال کے 

میری مسجد کرے آباد

( فرحت عباس شاہ )

درد کے پھول بھی کھلتے ہیں بکھر جاتے ہیں

زخم کیسے بھی ہوں کچھ روز میں بھر جاتے ہیں

چھت کی کڑیوں سے اُترتے ہیں مرے خواب مگر

میری دیواروں سے ٹکرا کے بکھر جاتے ہیں

اُس دریچے میں بھی اب کوئی نہیں اور ہم بھی

سر جھکائے ہوئے چپ چاپ گزر جاتے ہیں

راستہ روکے کھڑی ہے یہی الجھن کب سے

کوئی پوچھے تو کہیں کیا کہ کدھر جاتے ہیں

نرم آواز بھلی باتیں مہذب لہجے

پہلی بارش میں ہی یہ رنگ اُتر جاتے ہیں

جاوید اختر

(ایک آسیبی رات)

کافی دیر گزرنے پر بھی جب وہ گھر نہیں آئی

اور باہر کے آسمان پر کالا بادل کڑکا

تو میرا دل ایک نرالے اندیشے سے دھڑکا

لالٹین کو ہاتھ میں لے کر جب میں باہر نکلا

دروازے کے پاس ہی اک آسیب نے مجھ کو توکا

آندھی اور طوفان نے آگے بڑھ کے رستہ روکا

تیز ہوا نے رو کے کہا “تم کہاں چلے ہو بھائی؟

یہ تو ایسی رات ہے جس میں زہر کی موج چھپی ہے

جی کو ڈرانے والی آوازوں کی فوج چھپی ہے”

میں نے پاگل پن کی دھُن میں مُڑ کر بھی نہیں دیکھا

دل نے تو دیکھے ہیں ایسے لاکھوں کٹھن زمانے

وہ کیسے ان بھوتوں کی باتوں کو سچّا مانے

جونہی اچانک میری نظر کے سامنے بجلی لہرائی

میں نے جیسے خواب میں دیکھا اک خونیں نظّارہ

جس نے میرے دل میں گہرے درد کا بھالا مارا

خون میں لت پت پڑی ہوئی تھی اک ننگی مہ پارہ

پھر گھائل چیخوں نے مل کر دہشت سی پھیلائی

رات کے عفریتوں کا لشکر مجھے ڈرانے آیا

دیکھ نہ سکنے والی شکلوں نے جی کو دہلایا

ہیبت ناک چڑیلوں نے ہنس ہنس کر تیر چلاۓ

سائیں سائیں کرتی ہوا نے خوف کے محل بناۓ

سارے تن کا زور لگا کر میں نے اسے بلایا

“لیلیٰ !لیلیٰ! کہاں ہو تم؟ اب جلدی گھر آ جاؤ”

“لیلیٰ !لیلیٰ! کہاں ہو تم؟”

“لیلیٰ !لیلیٰ! کہاں ہو تم؟”

عفریتوں نے مری صدا کو اسی طرح دہرایا

(منیر نیازی)

یک لخت وچھوڑا اوکھا ہے 

چَن میری مَن، کج قسطاں کر

جاگتی آنکھ کا خواب"

ایک رستہ، جسے کلیوں نے سرِ دشت پرویا ھو، ھماری خاطر

ھم کہیں دُور سے آتے ھوں، کِسی خواب میں گم

ھاتھ میں ھاتھ لئے

سطحِ آئینہ پر چلتی ھُوئی خوُشبو کی طرح

سُبک انداز ھوا کی صورت

وادیء گل کی طرف بہتے ھوئے جاتے ھوں

مگر اے جانِ جہاں، اِس کے لیے

ھمیں گردابِ زمانہ سے نکل آنے کی فرصت بھی تو ھو!

وقت کے دشتِ بلا خیز میں کلیوں کو چٹکنے کی اجازت بھی تو ھو

ایوب خاور

شرافتوں کی یہاں کوئی اہمیت ہی نہیں

کسی کا کچھ نہ بگاڑو تو کون ڈرتا ہے

Dair tak bethy huey

ﺩﯾﺮ ﺗﮏ ﺑﯿﭩﮭﮯ ﮨﻮﺋﮯ ﺩﻭﻧﻮﮞ ﻧﮯ ﺑﺎﺭﺵ ﺩﯾﮑﮭﯽ

ﻭﮦ ﺩﮐﮭﺎﺗﯽ ﺗﮭﯽ ﻣﺠﮭﮯ ﺑﺠﻠﯽ ﮐﮯ ﺗﺎﺭﻭﮞ ﭘﮧ ﻟﭩﮑﺘﯽ ﮨﻮﺋﯽ

ﺑﻮﻧﺪﯾﮟ

ﺟﻮ ﺗﻌﺎﻗﺐ ﻣﯿﮟ ﺗﮭﯿﮟ ﺍِﮎ ﺩﻭﺳﺮﮮ ﮐﮯ

ﺍﻭﺭ ﺍِﮎ ﺩﻭﺳﺮﮮ ﮐﻮ ﭼﮭﻮﺗﮯ ﮨﯽ ﺗﺎﺭﻭﮞ ﺳﮯ ﭨﭙﮏ ﺟﺎﺗﯽ ﺗﮭﯿﮟ

ﻣﺠﮫ ﮐﻮ ﯾﮧ ﻓﮑﺮ ﮐﮧ ﺑﺠﻠﯽ ﮐﺎ ﮐﺮﻧﭧ

ﭼﮭﻮ ﮔﯿﺎ ﻧﻨﮕﯽ ﮐﺴﯽ ﺗﺎﺭ ﺳﮯ ﺗﻮ ﺁﮒ ﮐﮯ ﻟﮓ ﺟﺎﻧﮯ ﮐﺎ ﺑﺎﻋﺚ ﮨﻮ

ﮔﺎ

ﺍﺱ ﻧﮯ ﮐﺎﻏﺬ ﮐﯽ ﮐﺌﯽ ﮐﺸﺘﯿﺎﮞ ﭘﺎﻧﯽ ﭘﺮ ﺍُﺗﺎﺭﯾﮟ

ﺍﻭﺭ ﯾﮧ ﮐﮩﮧ ﮐﮯ ﺑﮩﺎﺩﯾﮟ ﮐﮧ ﺳﻤﻨﺪﺭ ﻣﯿﮟ ﻣﻠﯿﮟ ﮔﮯ

ﻣﺠﮫ ﮐﻮ ﯾﮧ ﻓﮑﺮ ﮐﮧ ﺍﺱ ﺑﺎﺭ ﺑﮭﯽ ﺳﯿﻼﺏ ﮐﺎ ﭘﺎﻧﯽ

ﮐﻮﺩ ﮐﮯ ﺍُﺗﺮﮮ ﮔﺎ ﮐﮩﺴﺎﺭ ﺳﮯ ﺟﺐ

ﺗﻮﮌ ﮐﮯ ﻟﮯ ﺟﺎﺋﮯ ﮔﺎ ﯾﮧ ﮐﭽﮯ ﮐﻨﺎﺭﮮ

ﺍﻭﮎ ﻣﯿﮟ ﺑﮭﺮ ﮐﮯ ﻭﮦ ﺑﺮﺳﺎﺕ ﮐﺎ ﭘﺎﻧﯽ

ﺍَﺩﮪ ﺑﮭﺮﯼ ﺟﮭﯿﻠﻮﮞ ﮐﻮ ﺗﺮﺳﺎﺗﯽ ﺭﮨﯽ

ﺍﻭﺭ ﺑﮩﺖ ﭼﮭﻮﭨﯽ ﺗﮭﯽ، ﮐﻤﺴﻦ ﺗﮭﯽ، ﻭﮦ ﻣﻌﺼﻮﻡ ﺑﮩﺖ ﺗﮭﯽ

ﺁﺑﺸﺎﺭﻭﮞ ﮐﮯ ﺗﺮﻧﻢ ﭘﮧ ﻗﺪﻡ ﺭﮐﮭﺘﯽ ﺗﮭﯽ ﺍﻭﺭ ﮔﻮﻧﺠﺘﯽ ﺗﮭﯽ

ﺍﻭﺭ ﻣﯿﮟ ﻋﻤﺮ ﮐﮯ ﺍﻓﮑﺎﺭ ﻣﯿﮟ ﮔﻢ

ﺗﺠﺮﺑﮯ ﮨﻤﺮﺍﮦ ﻟﺌﮯ

ﺳﺎﺗﮫ ﮨﯽ ﺳﺎﺗﮫ ﻣﯿﮟ ﺑﮩﺘﺎ ﮨﻮﺍ، ﭼﻠﺘﺎ ﮨﻮﺍ، ﺑﮩﺘﺎ ﮔﯿﺎ

گلزار

Me Khayal hoon kisi aur ka

میں خیال ہوں کسی اور کا مجھے سوچتا کوئی اور ہے

سرِ آئینہ مرا عکس ہے پس ِ آئینہ کوئی اور ہے

میں کسی کے دست ِ طلب میں ہوں تو کسی کے حرف ِ دعا میں ہوں

میں نصیب ہوں کسی اور کا مجھے مانگتا کوئی اور ہے

عجب اعتبار و بے اعتباری کے درمیان ہے زندگی

میں قریب ہوں کسی اور کے، مجھے جانتا کوئی اور ہے

تجھے دشمنوں کی خبر نہ تھی، مجھے دوستوں کا پتہ نہ تھا

تری داستاں کوئی اور تھی، مرا واقعہ کوئی اور ہے

وہی منصفوں کی روایتیں، وہی فیصلوں کی عبارتیں

مرا جرم تو کوئی اور تھا، پہ مری سزا کوئی اور ہے

کبھی لوٹ آئیں تو پوچھنا، نہیں دیکھنا انہیں غور سے

جنہیں راستے میں خبر ہوئی کہ یہ راستہ کوئی اور ہے

مری روشنی ترے خدّ و خال سے مختلف تو نہیں مگر

تُو قریب آ تجھے دیکھ لوں تُو وہی ہے یا کوئی اور ہے

جو مری ریاضتِ نیم شب کو سلیم صبح نہ مل سکی

تو پھر اس کے معنی تو یہ ہوئے کہ یہاں خدا کوئی اور ہے

سلیم کوثر

Zameen hai aur asmaan hai aur me hoon

زمیں ہے آسماں ہے اور میں ہوں

مسلسل امتحاں ہیں اور میں ہوں

مسلسل دستکیں ہیں اور تو ہے

درِ آیئندگاں ہے اور میں ہوں

نہ جانے کون تھک جائے گا پہلے

مری عمرِ رواں ہے اور میں ہوں

سلیم اک چھاوں جو زیرِ زمیں ہے

وہ میرا سائباں ہے اور میں ہوں

سلیم کوثر

Sab Muhobat ka aik pehar hai

یہ جو پلکوں پہ رم جھم ستاروں کا میلہ سا ہے 

یہ جو تیرے بنا کوئی اتنا اکیلا سا ہے ۔۔۔ 

زندگی تیری یادوں سے مہکا ہوا شہر ہے 

سب محبت کا اک پہر ہے

زندگی دھوپ چھاؤں کا اک کھیل ہے، بھیڑ چھٹتی نہیں

اور اسی کھیل میں دن گزرتا نہیں، رات کٹتی نہیں

تم نہیں جانتے خواہشوں کی مسافت سمٹتی نہیں

پیار کرتے ہوئے آدمی کی کبھی عمر گھٹتی نہیں 

دل کی دہلیز پر عکس روشن ترے نام سے 

رت جگے آئینوں میں کِھلے ہیں کہیں شام سے 

ایک دریا ہے چاروں طرف درمیاں بحر ہے 

سب محبت کا اک پہر ہے

سلیم کوثر

بارشوں کے موسم میں 

رات کی ہتھیلی پر

ایک ریشمی لمحہ 

چاند بن کے اُترا ہے

نوشی گیلانی

Hum dil me teri chah

ہم دل میں تیری چاہ زیادہ نہیں رکھتے

لیکن تجھے کھونے کا ارادہ نہیں رکھتے

کچھ ایسے سبک سر ہوئے ہم اہل مسافت

منزل کے لیے خواہشِ جادہ نہیں رکھتے

وہ تنگئی خلوت ہوئی اب تیرے لیے بھی

دل رکھتے ہوئے سینہ کشادہ نہیں رکھتے

کس قافلہ ء چشم سے بچھڑے ہیں کہ اب تک

جُز در بدری کوئی لبادہ نہیں رکھتے

کچھ لغزشیں قدموں سے نکلتی نہیں ورنہ

بے وجہ طرف داری ء بادہ نہیں رکھتے

ہم لوگ سلیم اتنے خسارے میں رہے ہیں

اب پیشِ نظر کوئی افادہ نہیں رکھتے

سلیم کوثر

Wussat hai wohi

وسعت ہے وہی، تنگئ افلاک وہی ہے

جو خاک پہ ظاہر ہے، پسِ خاک وہی ہے

-

اک عمر ہوئی موسمِ زنداں نہیں بدلا

روزن ہے وہی، مطلعء نم ناک وہی ہے

-

کیا چشمِ رفوگر سے شکایت ہو کہ اب تک

وحشت ہے وہی، سینہء صد چاک وہی ہے

-

ہر چند کہ حالات موافق نہیں پھر بھی

دل تیری طرف داری میں سفاک وہی ہے

-

اک ہاتھ کی جنبش میں درد بہت ہے، ورنہ

گردش وہی، کوزہ ہے وہی، چاک وہی ہے

-

جو کچھ ہے مرے پاس، وہ میرا نہیں شاید

جو میں نے گنوا دی مری املاک وہی ہے

-

زوروں پہ سلیم اب کے ہے نفرت کا بہاؤ

جو بچ کے نکل آئے گا، تیراک وہی ہے

سلیم کوثر

چشمِ نم، جانِ شوریدہ کافی نہیں

تہمتِ عشق پوشیدہ کافی نہیں

آج بازار میں پابجولاں چلو

دست اَفشاں چلو، مست و رقصاں چلو

خاک برسر چلو، خوں بداماں چلو

راہ تَکتا ہے سب شہرِ جاناں چلو

حاکمِ شہر بھی، مجمعِ عام بھی

تیرِ الزام بھی، سنگِ دشنام بھی

صبحِ ناشاد بھی، روزِ ناکام بھی

ان کا دم ساز اپنے سوا کون ہے؟

شہرِ جاناں میں اب باصفا کون ہے؟

دستِ قاتل کے شایاں رہا کون ہے؟

رختِ دل باندھ لو دل فگارو چلو

پھر ہمیں قتل ہو آئیں یارو چلو

(فیض)​

Dil K Dariya Ko Kisi Roz

دل کے دریا کو کسی روز اُتر جانا ہے

اتنا بے سمت نہ چل، لوٹ کے گھر جانا ہے

اُس تک آتی ہے تو ہر چیز ٹھر جاتی ہے

جیسے پانا ہی اسے، اصل میں مر جانا ہے

بول اے شامِ سفر، رنگِ رہائی کیا ہے؟

دل کو رکنا ہے کہ تاروں کو ٹھہر جانا ہے

کون اُبھرتے ہوئے مہتاب کا رستہ روکے

اس کو ہر طور سوئے دشتِ سحر جانا ہے

میں کِھلا ہوں تو اسی خاک میں ملنا ہے مجھے

وہ تو خوشبو ہے، اسے اگلے نگر جانا ہے

وہ ترے حُسن کا جادو ہو کہ میرا غمِ دل

ہر مسافر کو کسی گھاٹ اُتر جانا ہے

(امجد اسلام امجد)​

Tum Ne sach bolny ki

تم نے سچ بولنے کی جرات کی

یہ بھی توہین ہے عدالت کی

منزلیں راستوں کی دھول ہُوئیں

پوچھتے کیا ہو تم مسافت کی

اپنا زادِ سفر بھی چھوڑ گئے

جانے والوں نے کتنی عجلت کی

میں‌ جہاں قتل ہو رہا ہوں وہاں

میری اجداد نے حکومت کی

پہلے مجھ سے جُدا ہُوا اور پھر

عکس نے آئینے سے ہجرت کی

اتنا مشکل نہیں تُجھے پانا

اِک گھڑی چاہیئے ہے فرصت کی

ہم نے تو خُود سے انتقام لِیا

تُو نے کیا سوچ کر محبت کی؟

کون کس کے لئے تباہ ہُوا

کیا ضرورت ہے اَس وضاحت کی

عشق جس سے نہ ہو سکا اُس نے

شاعری میں عجب سیاست کی

یاد آئی تو ہے شناخت مگر

انتہا ہو گئی ہے غفلت کی

ہم وہاں پہلے رہ چکے ہیں سلیم

تم نے جس دل میں اب سکونت کی

(سلیم کوثر)​

Mery Dil Ki hai yehi aarzu

میرے دل کی ہے یہی آرزو مجھے تو ہی بس ملا کرے

یونہی چاہے مجھ کو تمام عمر نہ شکائیتں نہ گلہ کرے

میری چاہتیں میری خواہشیں، میری زندگی ہے ترےلیے

میری رب سے یہی دعا ہے بس تجھے کوئی نہ مجھ سے جداکرے

میرے خواب میرے یہ رت جگے میری نیند بھی ہے تیرے لیے

میری زندگی جو بچی ہے اب تیرے نام اس کو خدا کرے

مجھے زندگی سے گلہ نہیں مجھے تجھ سے بس یہی آس ہے

میں بھی چاہوں تجھ کو سدا یونہی تو وفا کرے یا جفا کرے

یہ وہ فاصلے ہیں میرے صنم جنہیں کوئی بھی نہ مٹا سکا

یہ توفیصلے ہیں نصیب کے انہیں کیسے کوئی مٹا کرے

میری زندگی میں خزاں ہے بس نہ بہار ہی کبھی آ سکی

یہی اشک میرا نصیب ہیں کوئی گُل خوشی کا کھِلا کرے

(انجم)​

Saans Lena Keisi adat hai

سانس لینا بھی کیسی عادت ہے

جئیے جانا بھی کیا روایت ہے

کوئی آہٹ نہیں بدن میں کہیں

کوئی سایہ نہیں ہے آنکھوں میں

پاؤں بےحِس ہیں، چلتے جاتے ہیں

اِک سفر ہے جو بہتا رہتا ہے

کتنے برسوں سے، کتنی صدیوں سے

جیے جاتے ہیں، جیے جاتے ہیں

عادتیں بھی عجیب ہوتی ہیں

گُلزار​

Hum sy milay to Log bhi funkaar hogey

احساسِ برتری میں گرفتار ہو گئے

ہم سے مِلے تو لوگ بھی فنکار ہو گئے

کچھ اَن کہی میں بات محبت کی ہو گئی

کچھ سَر کٹے بھی صاحبِ دستار ہو گئے

پاسِ وفا کا خوف دلوں سے اُتر گیا

لگتا ہے شہر مِصر کے بازار ہو گئے

اس نے جو عشق لازم و ملزوم کر دیا

لمحاتِ وصل اور بھی دُشوار ہو گئے

کل بزمِ بے خیال میں آیا تِرا خیال

اِک شعر کہنا چاہا تو دو چار ہو گئے

حیران کُن ہیں عامی محبت کے حادثے

گونگوں کی بھی زبان سے اقرار ہو گئے

(عمران عامی)​